Galv an 18 a viz Mezheven pe Galv an 18 a viz Mezheven 1940 a oa bet kentañ prezegenn ar jeneral de Gaulle war radio BBC Londrez d'an 18 a viz Even 1940.
Ar galv-se a oa unan evit broudañ poblañs Bro-C'hall da genderc'hel ar stourm a-enep an Trede Reich. D'ar 24 a viz Mezheven e voe lakaet ar galv da vezañ klevet e brezhoneg war ar BBC, lennet gant Jarl-Vari Guillois en doa echuet e lennadenn gant ar frazenn "Me zo Koko eus Porzh-Gwenn".
Ne oa ket bet klevet gant kalz a dud an abadenn wir, met brud a voe roet dezhi dre ma voe adkemeret er c'hazetennoù gall ha gant radioioù estren. Talvoudegezh zo gant ar pennad-kaoz hiziv dre ma verkas penn kentañ ar Rezistañs gall.
Ar stumm da glevet eus ar pennad-kaoz hag a c'haller klevet c'hoazh hiziv-an-deiz eo hini galv an 22 a viz Mezheven 1940, dre ma voe kollet enrolladenn an abadenn gentañ.
This article uses material from the Wikipedia Brezhoneg article Galv an 18 a viz Mezheven, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Danvez a c'haller implijout dindan CC BY-SA 4.0 nemet ha notet e vefe ar c'hontrol. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Brezhoneg (DUHOCTRUNGQUOC.VN) is an independent company and has no affiliation with Wiki Foundation.