Cutty sark zo un anv skotek a veze graet en XVIIIvet kantved eus un hiviz verr.
Diwar-se eo "Cutty-sark" al lesanv graet ouzh Nannie, ur vaouez krouet gant Robert Burns en e varzhoneg Tam o' Shanter, abalamour d'he dilhad. Goude se e voe roet an anv-se d'al lestr Cutty Sark.
Cutty pe cuttie (ur verrdro diwar cuttit, eus ar ger krennsaoznek cutte, kutte, cute, hag a dalveze divalav) a dalvez "berr". Sark pe serk (eus ar ger hensaoznek serc; serk e norseg) a zo un hiviz. Kentañ meneg eus an droienn cutty sark zo bet gant Dougal Graham war-dro 1779, bloavezh e varv: "A cutty sark of guide harn sheet, My mitter he pe spin, mattam."
Er varzhoneg "Tam o' Shanter", skrivet gant Robert Burns e 1791 ez eus kaoz eus Tam, ur paotr mezv war e varc'h, o tistreiñ d'ar gêr da noz, hag o tegouezhout en ur abadenn ceilidh kaset en-dro gant ar gwrac'hed. E-touez ar re-se ez eus ur goantenn anvet Nannie (evel Naig e brezhoneg, diwar Anna) "ae winsome wench and wawlie" (linenn 164). Gwisket eo gant un harn (lienenn) sark (hiviz-noz) a oa mat dezhi pa oa bugel hag a zo deuet da vout re verr bremañ:
This article uses material from the Wikipedia Brezhoneg article Cutty-sark (gwrac'h), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Danvez a c'haller implijout dindan CC BY-SA 4.0 nemet ha notet e vefe ar c'hontrol. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Brezhoneg (DUHOCTRUNGQUOC.VN) is an independent company and has no affiliation with Wiki Foundation.