Currywurst (silzigenn gant curry) a zo ur meuz fonnus arouezus eus Alamagn, ha dreist-holl eus Berlin.
Daou seurt silzig a c'haller lakaat ennañ : Brühwurst pe Bratwurst. Servijet e vez gant ketchup, curry, fritez hag un tamm bara bihan, anvet Brötchen en alamaneg. An dud a zebr anezhañ da greisteiz pe da noz, war o sav peurliesañ.
War a ouezer eo bet krouet goude an Eil Brezel Bed gant Herta Heuwer (30 a viz Even 1913 e Königsberg - 3 a viz Gouere 1999 e Berlin) : e-keit ma oa o c'hortoz pratikoù en he stal silzig e Charlottenburg, d'ar 4 a viz Gwengolo 1949, e krogas da veskañ a bep seurt traoù, betek ma kroufe ar c'hurrywurst. Hervez lod all e vefe bet krouet dre zegouezh gant perc'henn ur stal silzig en Essen, pa laoskas curry da gouezhañ en ur podad ketchup. En e romant anvet Die Entdeckung der Currywurst (Dizoloadenn ar c'hurrywurst) e lavar ar skrivagner Uwe Timm e vefe bet ijinet e 1947 e Hamburg gant un dudenn krouet gantañ hag anvet Lena Brücker.
Hervez ur bern tud e kaver currywurst gwellañ Berlin e stal Konnopke’s Imbiss e Schönhauser Allee, hag alies e ranker gortoz pell a-raok bezañ servijet.
This article uses material from the Wikipedia Brezhoneg article Currywurst, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Danvez a c'haller implijout dindan CC BY-SA 4.0 nemet ha notet e vefe ar c'hontrol. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Brezhoneg (DUHOCTRUNGQUOC.VN) is an independent company and has no affiliation with Wiki Foundation.