Boudig
Ur voudig zo ur boud mojennel denheñvel, bihan pe bihanoc'h, benel pe c'hourel, gant galloudoù hud ha liammet ouzh nerzhioù an natur hag ar bed kenstur.
Mard eo benel eo kaer-tre ha galloudoù dreistnaturel he deus evel reiñ donezonoù d'ar vugale nevez-c'hanet, nijal, teurel barr d'unan bennak ha kaout krog war an dazont. Boudiged a gaver e folklorioù pagan kalz sevenadurioù europat (keltiek, germanek, slavek), e stummoù liesseurt : aeled diskaret, teuzigoù, lutuned, korred, elfed hag all.
Boudiged er mojennoù hag el lennegezh
Anavezet mat e oant e lennegezh ar Grennamzer en Europa ar C'hornôg, met aet kuit e hini an Azginivelezh. Dont a rejont en-dro er c'hontadennoù hag e oberennoù Shakespeare, hag en XIXvet kantved gant ar romantelezh. Bremañ int tudennoù a gaver ingal el lennegezh fantasy ha moliac'h. Dedennañ a reont ar glaskerien, ar skeudennaouerien hag ar gonterien.
- Boudiged benel brudet
- Morgana ha Viviana e mojenn Arzhur
- an nimfezed
- maeron Kroc'hen Azen
- ar voudig c'hlas e Pinocchio
- maeron Luduennig
- en A Midsummer Night's Dream gant Shakespeare
- La fée des Grèves gant Paol Feval, 1850 — "Boudig an Aod" e brezhoneg, troet gant E. ar Barzhig ha Per Denez, Emb. Skol, ademb. Hor Yezh, 1987
- Tinker Bell, mignon Peter Pan gant J. M. Barrie e 1904.
Lec'hioù
- Maen ar Boudiged, liac'hven en Ezieg
- Liac'hven Ty-ar-Boudiged e Brenniliz
Gwelout ivez
This article uses material from the Wikipedia Brezhoneg article Boudig, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Danvez a c'haller implijout dindan CC BY-SA 4.0 nemet ha notet e vefe ar c'hontrol. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Brezhoneg (DUHOCTRUNGQUOC.VN) is an independent company and has no affiliation with Wiki Foundation.