शुभी शर्मा एक तो भारतीय एक्ट्रेस बाड़ी जे मुख्य रूप से भोजपुरी सिनेमा में सक्रिय बाड़ी। शुभी के उनके 2008 के फिलिम चलनी के चालल दूल्हा खातिर जानल जाला जेह में ऊ दिनेश लाल यादव निरहुआ के सोझा काम कइली आ एह फिलिम में अपने रोल खातिर इनके 5वाँ भोजपुरी फिलिम अवार्ड्स में बेस्ट डेब्यू के इनाम मिलल।
शुभी शर्मा | |
---|---|
जनम | जयपुर, भारत |
पेशा | एक्ट्रेस, टीवी प्रस्तुतकर्ता, मॉडल |
सक्रियता साल | 2008–वर्तमान |
शर्मा आपन एक्टिंग कैरियर के सुरुआत 2008 के फिलिम चलनी के चालल दुलहा से कइली जेह में ऊ निरहुआ के बिपरीत हिरोइन रहली। इनके अन्य उल्लेख जोग फिलिम सभ में आज के करन अर्जुन दिनेश लाल यादव के साथ, भइया के साली ओढ़निया वाली पवन सिंह के साथ, संतान रवि किशन के साथ, आ छपरा एक्सप्रेस खेसारी लाल यादव के साथ रहल बा।
सन 2015 में जॉन अब्राहम के फिलिम वेलकम बैक में एक ठो मशहूर गाना "मैं बबली हुई तू बंटी हुआ..." में शर्मा जॉन के साथ डांस करत लउकली आ उनके डांस के तारीफ भी भइल।
मशहूर हिंदी फिलिम राम लखन के भोजपुरी में बन रहल एही नाँव के रीमेक में शर्मा के काम करे के खबर बा।
साल | फिलिम | भाषा |
---|---|---|
2008 | चलनी के चालल दुलहा | भोजपुरी |
2010 | भइया के साली ओढ़निया वाली | भोजपुरी |
2011 | संतान | भोजपुरी |
2013 | दूल्हे राजा | भोजपुरी |
2013 | छपरा एक्सप्रेस | भोजपुरी |
2014 | भोजपुरिया दिल की धड़कन | भोजपुरी |
2016 | दुल्हन चाही पकिस्तान से | भोजपुरी |
This article uses material from the Wikipedia भोजपुरी article शुभी शर्मा, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). सामग्री CC BY-SA 4.0 की तहत उपलब्ध बा जबले कि अलगा से बतावल न गइल होखे। Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki भोजपुरी (DUHOCTRUNGQUOC.VN) is an independent company and has no affiliation with Wiki Foundation.