गंगा दशहरा: हिंदू तिहुआर
गंगा दशहरा एगो हिंदू तिहुआर हवे। हिंदू धर्म में गंगा नदी के देवी आ माता मानल गइल हवे आ अइसन मानल जाला कि एही दिन गंगा स्वर्ग से पृथ्वी पर उतरल रहली जेकरा के गंगावतरण कहल जाला। ई परब हर साल हिंदू कैलेंडर के हिसाब से जेठ महीना के अँजोर में दसिमी तिथी के मनावल जाला। एह दिन लोग ब्रत रहे ला आ नहान-दान करे ला। कुछ जगहन पर ई दस दिन चले वाला परब होला जेह में दसिमी से पहिले वाला नौ दिन सामिल रहे ला। गंगा के तीरे बसल धार्मिक नगर सभ खाती एह दिन के खास महत्व होला आ हरिद्वार में हर की पौड़ी, ऋषिकेश, प्रयाग (इलाहाबाद), बनारस आ पटना में लोग गंगा नहान आ पूजा करे ला।
| गंगा दसहरा | |
|---|---|
 हर की पौड़ी, हरिद्वार में गंगा दसहरा, 2005 | |
| ऑफिशियल नाँव | गंगा दशहरा |
| मनावे वाला | हिंदू |
| प्रकार | धार्मिक (हिंदू धर्म) |
| महत्त्व | गंगा अवतरण |
| Observances | गंगा के पूजा आ गंगा में नहान (चाहे कौनों नदी में नहान) |
| समय | जेठ सुदी दसिमी |
| केतना बेर | सालाना |
मानल जाला कि एहि दिन गंगा में नहाए से दस गो पाप दूर हो जालें; स्कंदपुराण के हवाला से इहो कहल जाला कि एहि दिन गंगा में अस्नान करे वाला के विष्णुलोक के प्राप्ती होखे ला।
इहो देखल जाय
संदर्भ
This article uses material from the Wikipedia भोजपुरी article गंगा दशहरा, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). सामग्री CC BY-SA 4.0 की तहत उपलब्ध बा जबले कि अलगा से बतावल न गइल होखे। Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki भोजपुरी (DUHOCTRUNGQUOC.VN) is an independent company and has no affiliation with Wiki Foundation.