कवितावली: मध्यकाल के हिंदी कबि
कवितावली मध्यकाल के हिंदी कबी गोस्वामी तुलसीदास के रचना हवे। ई एक किसिम के संग्रह-काव्य चाहे मुक्तक काव्य या निर्बंध काव्य हवे जेह में मुख्य रूप से हिंदू देवता श्री राम के कथा चार किसिम के छंद सभ, सवैया कवित्त, छप्पय, आ झूलना छंद सभ में रचल गइल बा। हिंदी आ अवधी के कबी होखे के बावजूद तुलसीदास के ई रचना साहित्यिक ब्रजभाषा में हवे। शैली आ छंद-बिधान के देख के ई अनुमान लगावल जाला कि एकर रचना एक बेर में ना भइल बलुक समय-समय पर एह छंद सभके रचना तुलसीदास लगातार कइलें आ बाद में इनहन के संग्रह भइल। इहो अनुमान लगावल जाला कि ई तुलसीदास के सभसे परसिद्ध रचना रामचरितमानस के बाद के हवे आ कबी के प्रौढ़ अवस्था के रचना हवे।
 कवितावली के रचयिता तुलसीदास के काल्पनिक चित्र जे रामचरित मानस के प्रति पर छपे ला। | |
| लेखक | गोस्वामी तुलसीदास |
|---|---|
| देस | भारत |
| भाषा | ब्रजभाषा |
| बिसय | राम, बिबिध धार्मिक कबित्त |
| बिधा | धार्मिक कविता |
कवितावली में, रामचरित मानसे के नियर सात गो खंड हवें। कयास लगावल जाला कि एह में छह गो के संकलन के रूपरेखा तुलसीदास के बनावल हवे आ सातवाँ खंड बाद में केहू दूसर तुलसी भक्त संकलित कइल हवे। कुछ छंद सभ के प्रमाणित रूप से तुलसी के नाहिंयो मानल जाला।
इहो देखल जाय
संदर्भ
- तुलसीदास, गोस्वामी (11 अप्रैल 2018). Kavitavali ( Hindi Edition ). CreateSpace Independent Publishing Platform. ISBN 978-1-9877-2242-0.
 | ई लेख कबिता की बारे में एगो आधार बाटे। जानकारी जोड़ के एकरा के बढ़ावे में विकिपीडिया के मदद करीं। |
 | ई लेख कौनों किताब के बारे में एगो आधार बाटे। जानकारी जोड़ के एकरा के बढ़ावे में विकिपीडिया के मदद करीं। |
This article uses material from the Wikipedia भोजपुरी article कवितावली, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). सामग्री CC BY-SA 4.0 की तहत उपलब्ध बा जबले कि अलगा से बतावल न गइल होखे। Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki भोजपुरी (DUHOCTRUNGQUOC.VN) is an independent company and has no affiliation with Wiki Foundation.