Ларыса Рыгораўна Цітарэнка
Ларыса Рыгораўна Цітарэ́нка (нар.
11 сакавіка 1953, Мінск) — беларускі сацыёлаг і філосаф. Кандыдат філасофскіх навук, доктар сацыялагічных навук, прафесар.
| Ларыса Рыгораўна Цітарэ́нка | |
|---|---|
| Дата нараджэння | 11 сакавіка 1953 (71 год) |
| Месца нараджэння | |
| Грамадзянства | |
| Род дзейнасці | сацыёлаг, выкладчыца ўніверсітэта |
| Навуковая сфера | Філасофія, сацыялогія, гісторыя |
| Месца працы | |
| Навуковая ступень | доктар сацыялагічных навук (1992) і кандыдат філасофскіх навук (1978) |
| Навуковае званне | Прафесар |
| Альма-матар |
|
| Член у | |
| Прэміі | |
| Узнагароды | |
| Сайт | ffsn.bsu.by/ru/personaln… |
Скончыла гістарычны факультэт БДУ (1975) па спецыяльнасці «філасофія». Кандыдат філасофскіх навук (1978), доктар сацыялагічных навук (1992). Прафесар БДУ (1995).
Спецыяліст у галіне сацыяльнай тэорыі і сучаснай заходняй сацыялогіі, а таксама сацыялогіі культуры, грамадскай думкі, сацыялогіі адукацыі. Кірункі навуковых зацікаўленняў: гісторыя і тэорыя сацыялогіі; метадалогія навукі; сацыялогія моладзі; сацыялогія культуры; сацыялогія рэлігіі; гендэрная сацыялогія; сацыялогія горада; філасофія тэхнікі; футуралогія; сацыялогія адукацыі; грамадская думка; міждысцыплінарныя даследаванні.
Член Міжнароднай сацыялагічнай асацыяцыі (з 1982), Міжнароднага інстытута сацыялогіі (з 1996), Расійскай і Беларускай сацыялагічных асацыяцый., акадэмік Нью-Йоркскай акадэміі навук (1997), член Міжнароднай адукацыйнай супольнасці (2007) і інш.
Актыўны ўдзельнік міжнародных навуковых кангрэсаў па сацыяльных навуках. Стажыравалася ў вядучых заходніх даследчых цэнтрах, выкладала сацыялогію ў Польшчы, ЗША (у т.л. у Карнельскім і Гарвардскім ўніверсітэтах) і Заходняй Еўропе. Удзельнікам шэрагу міжнародных навукова-даследчых праектаў, іх каардынатарам і кіраўніком.
Аўтар і сааўтар больш за 400 навуковых прац, апублікаваных на васьмі мовах, у т.л. шэрагу манаграфій, каля дзесятка падручнікаў і вучэбных дапаможнікаў па сацыялогіі. Мае адзін з самых высокіх рэйтынгаў цытавання сярод беларускіх грамадазнаўцаў.
Узнагароды
- Ганаровая грамата Міністэрства адукацыі Рэспублікі Беларусь (2005)
- Ганаровая грамата Міністэрства адукацыі Рэспублікі Беларусь (2008)
- Лаўрэат прэміі БДУ ў галіне сацыяльных і гуманітарных навук імя У. І. Пічэты (2009)
- Ганаровая грамата ВАК Рэспублікі Беларусь (2010)
- Заслужаны работнік БДУ (2013)
- Медаль Францыска Скарыны (24 ліпеня 2019).
Зноскі
Літаратура
- Данілаў А. Прафесіянал найвышэйшага ўзроўню // «Універсітэі» № 4 (2086). 15 сак. 2013. — С. 3.
- Титаренко Лариса Григорьевна // Республика Беларусь: энциклопедия. В 7 т. — Мн., 2008. — Т. 7. — С. 224.
- Титаренко Лариса Григорьевна // Социологическая энциклопедия. — Мн., 2003 — С. 329.
- Титаренко Лариса Григорьевна // Социология : энциклопедия. — Мн., 2003. — С. 1126—1127.
- Титаренко Лариса Григорьевна // Прафесары і дактары навук Беларускага дзяржаўнага універсітэта, 1921—2001: 80 год. — Мн., 2001. — С. 273.
- Титаренко Лариса Григорьевна // Кафедре социологии БГУ — 20 лет, 1989—2009: сборник научных трудов. — Мн., 2009. — С. 122—123.
- Цітарэнка Ларыса Рыгораўна // Беларуская энцыклапедыя. У 18 т. — Мн., 2003. — Т. 17. — С. 119.
This article uses material from the Wikipedia Беларуская article Ларыса Рыгораўна Цітарэнка, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Матэрыял даступны на ўмовах CC BY-SA 4.0, калі не пазначана іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (DUHOCTRUNGQUOC.VN) is an independent company and has no affiliation with Wiki Foundation.