Глыбакаводныя жывёлы — акіянічныя арганізмы глыбінь ад 500 м да максімальных (каля 11 тыс.
м ). Адрозніваюць фауну батыяльную, абісальную і ультраабісальную, або хадальную.
У 1960 годзе назіранні на батыскафе на глыбіні 10900 м правялі французскія навукоўцы Ж. Пікар і Д. Уолш. На глыбінях няма сонечнага святла, салёнасць пастаянная, тэмпературы нізкія (у межах +3/+10°С), вялікае ўтрыманне двухвокісу вугляроду, вялізны, гідрастатычны ціск (да 1000 атм.).
Крыніцы ежы глыбакаводных жывёл - бактэрыі, а таксама трупы жывёл з верхніх слаёў акіяна і арганічны дэтрыт. Глыбакаводныя жывёлы — дэтрытаеды і драпежнікі, сляпыя або з вельмі развітымі вачыма, часта тэлескапічнымі; многія рыбы і галаваногія малюскі з фатафорамі; у іншых формаў свеціцца паверхня цела або яе ўчасткі; для інфармацыі выкарыстоўваюцца гідраакустычныя спосабы; афарбоўка цёмная (у рыб аксамітна-чорная) або пігментацыя адсутнічае і цела белаватыя. Нізкая тэмпература і багацце вуглякіслага газу абцяжарваюць выпадзенне вапны з раствора; гэта вядзе да памяншэння зажыўлення шкілетаў.
Некаторыя віды маларухомыя, некаторыя здзяйсняюць вертыкальныя міграцыі вялікага маштабу; напрыклад, Abraliopis watasenia ля берагоў Японіі для размнажэння зграямі падымаецца на паверхню. Бедныя запасы ежы - прычына малых памераў глыбакаводных жывёл. Гігантызм даволі рэдкі (гл.Глыбакаводны гігантызм) (напрыклад, паліп Monocaulus дасягае разам з ножкай 3 м у даўжыню, асцыдыю - да 1 м у вышыню, кальмары і рыбы - 2-5 м).
Глыбакаводныя жывёлы на Вікісховішчы |
This article uses material from the Wikipedia Беларуская article Глыбакаводныя жывёлы, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Матэрыял даступны на ўмовах CC BY-SA 4.0, калі не пазначана іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (DUHOCTRUNGQUOC.VN) is an independent company and has no affiliation with Wiki Foundation.