Васіль Вячаслававіч Уткін
Васіль Вячаслававіч Уткін (6 сакавіка 1972(1972-03-06), Балашыха, Маскоўская вобласць — 19 сакавіка 2024(2024-03-19), Масква) — расійскі спартыўны журналіст і тэлекаментатар, тэле- і радыёвядучы, блогер, шоумен і акцёр.
| Васіль Вячаслававіч Уткін | |
|---|---|
| руск.: Василий Вячеславович Уткин | |
 | |
| Род дзейнасці | спартыўны журналіст, каментатар, акцёр, пісьменнік, гулец у інтэлектуальныя гульні, тэлевядучы, радыёвядучы, галоўны рэдактар, ютубер, тэлепрадзюсар |
| Дата нараджэння | 6 сакавіка 1972 |
| Месца нараджэння | |
| Дата смерці | 19 сакавіка 2024 (52 гады) |
| Месца смерці | |
| Грамадзянства | |
| Узнагароды і прэміі | |
| Сайт | vasiliyutkin.ru (руск.) |
 Медыяфайлы на Вікісховішчы | |
Біяграфія
Атрымаў вядомасць у сярэдзіне 1990-х гадоў як футбольны каментатар НТБ і «НТБ-Плюс» і спартыўны журналіст, будучы вядучым тэлеперадачы «Футбольны клуб», якую да апошніх дзён жыцця выпускаў на ўласным YouTube-канале. Лаўрэат прэміі «ТЭФІ» ў намінацыі «Найлепшы спартыўны каментатар» у 2004 і 2005 гадах.
З 1 верасня 2010 года па 31 жніўня 2015 года з’яўляўся галоўным рэдактарам спартыўных каналаў «НТБ-Плюс». З 2014 па 2015 год вёў забаўляльнае гульнявое шоу «Вялікае пытанне» на тэлеканале СТС. З 1 лістапада 2015 па 5 лютага 2016 года — супрацоўнік тэлеканала «Матч ТВ». З 3 сакавіка 2016 года па 13 мая 2017 года — каментатар тэлеканала Eurosport.
Былы саўладальнік партала sports.ru. У якасці акцёра супрацоўнічаў з «Квартэтам І». 15 ліпеня 2016 года быў прызначаны крэатыўным дырэктарам сеткі пабаў «Джон Дон». З’яўляўся ўладальнікам медыяфутбольнага клуба «Эгрысі».
19 сакавіка 2024 года Уткіна экстрана даставілі ў кардыялагічнае аддзяленне гарадской клінічнай бальніцы № 1 імя Пірагова. Урачы дыягнаставалі ў яго вострую сасудзістую недастатковасць. Уткіна падключылі да апарата ШВЛ, але рэанімацыйныя дзеянні не прынеслі выніку і ён памёр.
Зноскі
This article uses material from the Wikipedia Беларуская article Васіль Вячаслававіч Уткін, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Матэрыял даступны на ўмовах CC BY-SA 4.0, калі не пазначана іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (DUHOCTRUNGQUOC.VN) is an independent company and has no affiliation with Wiki Foundation.