Анатоль Анатольевіч Котаў (нар.
1980, Мінск) — беларускі дыпламат, дзяржаўны і грамадскі дзеяч.
Анатоль Анатольевіч Котаў | |
---|---|
Нараджэнне | 1980 |
Член у | |
Адукацыя | |
Дзейнасць | дыпламат, дзяржаўны дзеяч |
Месца працы |
Нарадзіўся ў 1980 годзе ў Мінску. Скончыў Маскоўскі дзяржаўны інстытут міжнародных адносін (2002). У 2002—2006 — трэці, затым другі сакратар галоўнага дагаворна-прававога ўпраўлення Міністэрства замежных спраў Рэспублікі Беларусь. У 2006—2010 — трэці, другі сакратар Пасольства Рэспублікі Беларусь у Рэспубліцы Польшча. З 2010 — галоўны саветнік, з 2014 — старшы саветнік Пасольства Рэспублікі Беларусь у Рэспубліцы Польшча. З 2015 — вядучы спецыяліст Нацыянальнага алімпійскага камітэта Рэспублікі Беларусь, генеральны сакратар НАК. Намеснік дырэктара фонду «Дырэкцыя ІІ Еўрапейскіх гульняў 2019 года». Намеснік загадчыка аддзелам фінансавання дзяржаўных органаў галоўнана фінансавага ўпраўлення Упраўлення справамі Прэзідэнта Рэспублікі Беларусь, 18 жніўня звольніўся з пасады ў знак пратэсту пасля прэзідэнцкіх выбараў у Беларусі і жорсткага падаўлення масавых выступленняў супраць фальсіфікацыі выбараў. З’ехаў за мяжу, дзе стаў часткай Беларускага фонду салідарнасці спартсменаў. Адказны за знешнюю палітыку і гандаль у Народным антыкрызісным упраўленні.
18 жніўня падпісаў адкрыты ліст прадстаўнікоў спартыўнай галіны Рэспублікі Беларусь з патрабаваннем прызнаць несапраўднымі выбары прэзідэнта Рэспублікі Беларусь, якія прайшлі 9 жніўня 2020 года.
This article uses material from the Wikipedia Беларуская article Анатоль Анатольевіч Котаў, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Матэрыял даступны на ўмовах CC BY-SA 4.0, калі не пазначана іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (DUHOCTRUNGQUOC.VN) is an independent company and has no affiliation with Wiki Foundation.