Openstreetmap: некамерцыйны вэб-картаграфічны праект

OpenStreetMap
Мінск (адзначаны і дамы, і POI).
URL	www.openstreetmap.org, osm.org
Камерцыйны	не
Тып сайта	cвабодны вэб-картаграфічны сэрвіс
Рэгістрацыя	патрабуецца для рэдагавання
Мова(-ы)	англійская, беларуская і іншыя
Размяшчэнне сервера	Вялікабрытанія
Уладальнік	Уладальнік даных - супольнасць удзельнікаў OpenStreetMap. Праект падтрымлівае некамерцыйная арганізацыя OpenStreetMap Foundation.
Аўтар	Стыў Кост
Пачатак працы	1 ліпеня 2004
Бягучы статус	працуе і актыўна развіваецца
Рэйтынг Alexa	6 938
Медыяфайлы на Вікісховішчы

Карты ствараюцца на аснове звестак з GPS-навігатараў, аэра- і спадарожнікавых фотаздымкаў ці з уласнага досведу. Як растравыя, так і вектарныя карты OSM распаўсюджваюцца на ўмовах ліцэнзіі Open Database License.

OpenStreetMap натхнілі сайты узору Вікіпедыі, кожны можа рэдагаваць даныя, ёсць поўная гісторыя правак. Зарэгістраваныя ўдзельнікі могуць загружаць GPS-трэкі і ствараць па іх карты пры дапамозе розных прыстасаванняў.

Праект быў заснаваны Стывам Коўстам у ліпені 2004 года. У красавіку 2006 была створаны фонд, які па сённяшні дзень падтрымлівае стварэнне і распаўсюд свабодных карт. У снежні 2006 года Yahoo! пацвердзіла, што заўзятары праекту могуць выкарыстоўваць спадарожнікавыя карты Yahoo! як падложку пры стварэння карт OSM.

У студзені 2008 года карыстальнікам была нададзена магчымасць загружаць карты ў GPS-навігатары. У сакавіку таго ж года заснавальнікі абвясцілі пра атрыманне стартавага капіталу памерам €2,4 млн для CloudMade.

 

Паводле звестак на жнівень 2008 года, у праекце было зарэгістравана болей за 50 000 удзельнікаў. У сакавіку 2009 — 100 000, а да канца 2009 года зарэгістравалася больш за 200 тысяч.

Не ўсе зарэгістраваныя ўдзельнікі робяць унёсак. Насамрэч, большасць звестак уносіцца меншасцю ўдзельнікаў: з усіх, зарэгістраваных па стане на сакавік 2008 года ўдзельнікаў, прыкладна 10 % рабілі ўнёсак кожны месяц.

Гісторыя

На пачатку праекту, першыя ўдзельнікі ездзілі з GPS-навігатарамі і запісвалі каардынаты тых месцаў, дзе знаходзіліся. Гэтак першыя звесткі траплялі ў базу звестак OpenStreetMap. Потым, калі з’явіліся першыя даступныя спадарожнікавыя здымкі, праца пайшла ўгору. Таксама былі перададзеныя ўрадавыя матэрыялы: карты, схемы і г. д.

Зараз, калі патрапляе вялікі аб’ём матэрыялу, адмысловая каманда ўдзельнікаў робіць зыходныя звесткі прыдатнымі да канвертацыі і імпарту ў базу звестак праекту.

Камерцыйныя карты

Некаторыя кампаніі дазволілі выкарыстанне сваіх матэрыялаў на слушных умовах. Напрыклад, Automotive Navigation Data ахвяравала схему аўтамабільных дарог Нідэрландаў, а таксама схему магістральных дарог Кітая і Індыі.

У снежні 2006 года Yahoo! пацвердзіў права OpenStreetMap на выкарыстанне спадарожнікавых здымкаў Зямлі для стварэння карт OSM, у якасці тла для абводкі. Карыстальнікі могуць ствараць уласныя вектарныя карты як вытворныя працы, якія распаўсюджваюцца на ўмовах свабодных ліцэнзій.

OpenStreetMap па сутнасці — база звестак, якая змяшчае некалькі тыпаў запісаў:

• Пункты (па-англійску: nodes) — пункты з дакладным геаграфічным месцазнаходжаннем.
• Лініі (па-англійску: ways) — спісы пунктаў, якія ствараюць ломаную крывую ці шматкутнікі.
• Дачыненні (па-англійску: relations) — групы пунктаў, ліній і іншых дачыненняў, якім надаюцца розныя ўласцівасці.
• Тэгі (па-англійску: tags) — пары назва_тэга=значэнне, якія надаюцца пунктамам, лініям ці адносінам.

• Google Map Maker
• Вікіпедыя
• OpenLayers
• Неагеаграфія
• Вэб-картаграфія
• JOSM