Цытау (ням.: Zittau, в.-луж.
ням.: Sitte, в.-луж.: Žitawa, чэшск.: Žitava, польск.: Żytawa — Жытава) — горад у зямлі Саксонія ў Германіі, размешчаны паблізу трайнога стыку меж Германіі, Польшчы і Чэхіі, каля ўпадзення ракі Мандау ў Нысу-Лужыцкую. Падпарадкаваны адміністрацыйнай акрузе Дрэздэн. Уваходзіць у склад раёна Гёрліц. Насельніцтва — 28 212 чалавек (на 31 снежня 2010 года). Плошча — 25,42 км². Афіцыйны код — 14 2 86 470.
| ||||||||||||||||||||||||
Горад падзелены на 9 гарадскіх раёнаў.
Горад Цытау знаходзіцца каля падножжа гор Цытау на вышыні 230—285 метраў над узроўнем мора. На паўночным захадзе ад горада знаходзіцца Верхнялужыцкае ўзвышша. Цытаўская нізіна на паўднёвым усходзе пераходзіць у даліну Лужыцкай Нысы, якая цягнецца далей у Чэхіі. Усходняя мяжа горада супадае з германска-польскай граніцай, па якой цячэ рака Лужыцкая Ныса.
На поўдні Цытау мяжуе з грамадой Ойбін, на паўднёвым усходзе — з грамадой Альбэрсдорф і Бэрстдорф-Хёрніц. На паўночным захадзе — з грамадой Мітэльхервкіксдорф. На поўначы мяжуе з мястэчкам Острыц, на ўсходзе з польскім мястэчкам Багатыня.
This article uses material from the Wikipedia Беларуская article Цытау, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Матэрыял даступны на ўмовах CC BY-SA 4.0, калі не пазначана іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (DUHOCTRUNGQUOC.VN) is an independent company and has no affiliation with Wiki Foundation.