Таронцкі Ўніверсітэт
Таронцкі ўніверсітэт (англ.: University of Toronto) — канадская дзяржаўная вышэйшая навучальная ўстанова са статусам даследчага ўніверсітэта, якая месціцца ў горадзе Таронта ў правінцыі Антарыа, Канада.
| Таронцкі ўніверсітэт | |
|---|---|
| англ.: University of Toronto | |
 | |
| Арыгінальная назва | англ.: University of Toronto |
| Заснаваны | 1827 |
| Студэнты | 95 055 і 27 651 |
| Размяшчэнне | Таронта, Антарыа, Канада |
| Сайт | utoronto.ca |
 Медыяфайлы на Вікісховішчы | |
Агульная характарыстыка
Ён быў заснаваны каралеўскай граматай у 1827 годзе як Каралеўскі каледж, першая вышэйшая навучальная ўстанова ў Верхняй Канадзе. Першапачаткова кантраляваны Царквой Англіі, універсітэт прыняў сваю цяперашнюю назву ў 1850 годзе пасля таго, як стаў свецкай установай.
У адрозненне ад большасці паўночнаамерыканскіх устаноў, універсітэт у Таронта з'яўляецца калегіяльным універсітэтам з мадэллю, якая нагадвае Кембрыджскі ўніверсітэт і Оксфардскі ўніверсітэт у Вялікабрытаніі. Ён складаецца з 11 каледжаў, кожны з якіх мае значную аўтаномію ў фінансавых і інстытуцыйных пытаннях і значныя адрозненні ў характары і гісторыі. Універсітэт прапануе больш за 700 праграм для бакалаўраў і 200 для магістратуры.
Універсітэт стаў цэнтрам даследаванняў інсуліну і ствалавых клетак, радзімай першага штучнага кардыёстымулятара і месцам першай паспяховай трансплантацыі лёгкіх і нерваў. Ва ўніверсітэце таксама быў створаны першы электронны мікраскоп.
Выпускнікі ўніверсітэта ўключаюць пяць прэм'ер-міністраў Канады, трох генерал-губернатараў Канады, дзевяць замежных кіраўнікоў дзяржаў. Па стане на 2019 год 12 лаўрэатаў Нобелеўскай прэміі, шэсць лаўрэатаў прэміі Цьюрынга, 94 стыпендыяты Родса і адзін уладальнік медаля Філдса былі звязаны з універсітэтам.
Структура
Устаноўчыя каледжы
- Ініскі каледж
- Новы каледж
- Універсітэцкі каледж
- Вудсуортскі каледж
Тэалагічныя каледжы
- Нокскі каледж
- Рэгіскі каледж
- Уікліфскі каледж
Федэратыўныя каледжы
- Свята-Міхайлаўскі каледж
- Ларэтанскі каледж
- Троіцкі каледж
- Каледж Святой Хільды
- Універсітэт Вікторыі
- Каледж Эмануэль
Каледж паслядыпломнага навучання
- Каледж Мэсі
Некаторыя вядомыя выпускнікі
- Фрэдэрык Грант Бантынг, канадскі фізіёлаг, лаўрэат Нобелеўскай прэміі па фізіялогіі і медыцыне ў 1923 годзе
- Вайра Віке-Фрэйберга, 6-ы прэзідэнт Латвіі
- Эн Карсан, канадскі элініст
Спасылкі
На Вікісховішчы ёсць медыяфайлы па тэме Таронцкі ўніверсітэт- https://www.utoronto.ca/ Афіцыйная інтэрнэт-старонка ўстановы]
Заўвагі
This article uses material from the Wikipedia Беларуская article Таронцкі ўніверсітэт, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Матэрыял даступны на ўмовах CC BY-SA 4.0, калі не пазначана іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (DUHOCTRUNGQUOC.VN) is an independent company and has no affiliation with Wiki Foundation.