ЗАТ «Холдынгавая кампанія „Пінскдрэў“» — адно з найбуйнейшых дрэваапрацоўчых прадпрыемстваў Беларусі, заснаванае ў 1880 годзе.
Найстарэйшае прадпрыемства Пінску, а таксама найстарэйшае прадпрыемства дрэваапрацоўчай прамысловасці на Беларусі.
ЗАТ «Холдынгавая кампанія «Пінскдрэў» | |
---|---|
Тып | закрытае акцыянернае таварыства |
Заснаванне | 1880 |
Заснавальнікі | Аляксандр Майсеевіч Лур’е[d] і Леапольд Майсеевіч Лур’е[d] |
Размяшчэнне | Беларусь, Пінск |
Галіна | дрэваапрацоўка |
Прадукцыя | мэбля |
Сайт | pinskdrev.by |
У 1880 годзе браты Лур’е, капіталісты аўстра-венгерскага паходжання, пабудавалі ў Пінску фабрыку па вырабе сапожных шпілек, фанеры і фанерных скрыняў. Праз дванаццаць гадоў фабрыка была пераабсталявана для вытворчасці запалак і стала першай падобнай вытворчасцю ў горадзе.
З 1959 годзе на прадпрыемстве пачынаюць выпускаць мэблю. У 1971 годзе на базе Пінскага фанерна-запалкавага камбіната было створана вытворчае дрэваапрацоўчае аб’яднанне «Пінскдрэў». Аб’яднанне займалася выпускам канапаў, фатэляў, ложкаў і школьнай мэблі.
У 1997 годзе змяніўся таварны знак прадпрыемства, на якім дагэтуль была намалявана запаленая сярнічка.
25 кастрычніка 2010 годзе на заводзе адбыўся выбух і пажар, што стала прычынаю смерці 14 чалавек. Паводле інфармацыі МНС, пажар на прадпрыемстве спрычыніў «выбух адкладанняў драўнянага пылу ў выніку парушэння рэжыму эксплуатацыі абсталявання па вытворчасці драўняна-паліўных гранулаў». Гэта была самая вялікая прамысловая аварыя ў Беларусі за некалькі дзесяцігоддзяў
5 лістапада 2011 годзе ў цэху фабрыкі крэслаў, які належыць холдынгу «Пінскдрэў», пачала тлець электраправодка лакіравальнага станка, што выклікала чарговы пажар. Рабочыя самастойна пакінулі небяспечную зону. У выніку пажару пацярпелых не было і тэхналагічны працэс парушаны не быў. Да прыбыцця выратавальнікаў пажарная ахова прадпрыемства ліквідавала пажар.
This article uses material from the Wikipedia Беларуская article Пінскдрэў, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Матэрыял даступны на ўмовах CC BY-SA 4.0, калі не пазначана іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (DUHOCTRUNGQUOC.VN) is an independent company and has no affiliation with Wiki Foundation.