Паўднёва-Усходні Сулавесі

Плошча - 38 140 км². Насельніцтва (2014 г.) - 2 417 962 чал. Адміністрацыйны цэнтр — Кендары.

Паўднёва-Усходні Сулавесі
індан.: Sulawesi Tenggara
Герб[d] Сцяг
Краіна	Інданезія
Уваходзіць у	Інданезія
Адміністрацыйны цэнтр	Кендары
Дата ўтварэння	23 верасня 1964
Губернатар	Lukman Abunawas[d]
Афіцыйныя мовы	інданезійская мова
Насельніцтва	2 417 962 (2 014)
Нацыянальны склад	бугі (19%), бітунгцы (25.43%), муна (15%)
Канфесійны склад	Іслам (95%)
Плошча	38 140 км²
Вышыня над узроўнем мора	61 м
Часавы пояс	UTC+8
Код ISO 3166-2	ID-SG
Паштовыя індэксы	93111 - 93963
Код аўтам. нумароў	DT
Афіцыйны сайт
Дэвіз	Bolimo Karo Somanamo Lipu (Кожны павінен абараніць агульнае)
Медыяфайлы на Вікісховішчы

Правінцыя Паўднёва-Усходні Сулавесі займае паўднёва-усходнюю ўскраіну вострава Сулавесі, а таксама бліжнія астравы Бутон, Вавоні, Кабаэна, Муна, Туканг-Бесі і інш. Значная частка тэрыторыі пакрыта гарамі і пагоркамі, на схілах якіх захаваліся першародныя лясы з рэдкімі відамі флоры і фаўны. На поўдні вылучаецца рэгіён з вапняковымі глебамі і саваннамі. Каля ўзбярэжжа Сулавесі і астравоў шмат каралавых рыфаў.

На поўначы Паўднёва-Усходняга Сулавесі здабываюць нікель. На ўсходзе ад вострава Сулавесі вядзецца здабыча нафты іншаземнымі кампаніямі. На востраве Бутон маюцца багатыя запасы высокаякаснага прыроднага асфальта.

Клімат субэкватарыяльны пасатны, у гарах пераходны да ўмеранага. Сярэдняя гадавая тэмпература амаль не змяняецца на працягу года і ў нізінах трымаецца каля +28 °C. Найбольш вільготныя месяцы прыпадаюць на лістапад — сакавік.

У XIV ст. на востраве Бутон склалася асобная дзяржава, заснаваная дынастыяй яванскага паходжання. У 1542 г. яе валадары прынялі іслам і тытул султанаў. У 1667 г. Бутонскі султанат трапіў у залежнасць ад Нідэрландаў. У 1950 г. увайшоў у склад незалежнай Інданезіі. У 1964 г. была сфарміравана правінцыя Паўднёва-Усходні Сулавесі.

Рост насельніцтва ў Паўднёва-Усходнім Сулавесі:

Этнічны склад насельніцтва правінцыі стракаты, прадстаўлены бугамі, бітунгцамі, муна, баджа, талакі. Большасць вернікаў спавядае іслам.

Эканоміка правінцыі Паўднёва-Усходні Сулавесі залежыць ад экспарту сырой нафты. Асноўныя спажыўцы — Кітай і Нідэрланды. Большасць насельніцтва займаецца сельскай гаспадаркай, накіраванай пераважна на спажыванне. Таварны характар маюць плантацыі дрэў, якія даюць каштоўную драўніну. У гарадах працуюць дробныя прадпрыемствы пераважна харчовага прызначэння.