Корпус Абароны Косава

Штатная колькасць КЗК складала 5000 чалавек.

Корпус абароны Косава
алб.: Trupat e Mbrojtjes së Kosovës
Эмблема КАК.
Гады існавання	1999—2009
Краіна	Рэспубліка Косава
Тып	emergency service[d]
Функцыя	5052
Удзел у	Канфлікт у Македоніі (2001)
Камандзіры
Вядомыя камандзіры	Агім Чэку (1999—2006) Сулейман Селімі (2006—2009)

Мэтай стварэння падобнай арганізацыі з’яўлялася замена Арміі вызвалення Косава, ліквідацыі радыкальных элементаў і стварэнне больш арганізаванай і дысцыплінаванай структуры. КАК выконваў задачы па размініраванні і аднаўленні інфраструктуры Косава, а таксама дапамагаў у абароне мясцовага насельніцтва. Аднак рэпутацыю корпус меў дрэнную, так як значная частка яго супрацоўнікаў былі замяшаны ў забойствах, выкраданнях людзей і іншых злачынствах.

Паведамленні аб злачынствах і парушэннях дысцыпліны пераследавалі КАК з моманту яго стварэння. У чэрвені 2001 года некалькі старэйшых афіцэраў былі звольнены па падазрэнні ў садзейнічанні мецяжу этнічных албанцаў у Рэспубліцы Македонія.

Падчас канфлікту ў Македоніі паміж урадавымі сіламі і албанскімі сепаратыстамі, для падтрымкі апошніх, каля 700 байцоў КАК атакавалі тэрыторыю Македоніі, паспрабаваўшы ўзяць горад Радушу. Супраць нападнікаў была выкарыстана авіяцыя, у прыватнасці самалёты Су-25. Па паведамленнях некаторых крыніц, колькасць забітых байцоў КАК была велізарнай, паведамлялася пра 100 загінулых і больш з боку Косава.

У 2009 годзе КАК быў расфармаваны, многія яго члены ўвайшлі ў склад сіл бяспекі Рэспублікі Косава.

Першым камандуючым КАК быў Агім Чэку, які пакінуў структуру ў 2006 годзе і стаў прэм’ер-міністрам Косава. Генерал-лейтэнант Сулейман Селімі, былы ваеначальнік АВК, стаў яго пераемнікам.

У пастанове МААННК 1999/8 КАК павінен выконваць наступныя задачы:

• Барацьба з наступствамі стыхійных бедстваў, буйных пажараў, прамысловых аварый і таксічных выкідаў;
• Правядзенне пошукава-выратавальных работ;
• Аказанне гуманітарнай дапамогі;
• Размініраванне тэрыторыі Косава;
• Садзейнічанне ў аднаўленні інфраструктуры.

Корпус абароны Косава не гуляў ніякай ролі ў абароне, забеспячэнні правапарадку, барацьбе з масавымі беспарадкамі, унутранай бяспекі або любых падобных мерапрыемствах. Спецыяльны прадстаўнік Генеральнага сакратара ААН (SRSG), кіраўнік ААН у Косава, ажыццяўляў кіраўніцтва і фінансаванне КАК. За КАК таксама нёс адказнасць ваенны кантынгент НАТА.

•  
  Старая эмблема Корпуса абароны Косава.
•  
  Сцяг Корпуса абароны Косава.
•  
  Аўтамабільны нумар корпуса абароны Косава.
•  
  Байцы КАК у параднай уніформе