Егіпецкая Мова

На цяперашні час лічыцца мёртвай. Асобнае адгалінаванне афразійскай моўнай сям'і. У рамках гэтай сям'і, паводле меркавання адных навукоўцаў, найбольш блізкая да семіцкіх, паводле меркавання іншых — да чадскіх моў. Адна з самых старажытных вядомых на наш час моў, абслугоўвалася адной з першых сістэм пісьма ў гісторыі чалавецтва — вядомы помнікі з канца 4-га тыс. да н.э. і па V стагоддзе н.э. Апошняя ступень егіпецкай мовы — копцкая мова, якая праіснавала да XVII стагоддзя (як мова набажэнства ў копцкай праваслаўнай царкве ўжываецца і дагэтуль). Навуковая дысцыпліна, якая вывучае егіпецкую мову, называецца мовазнаўчая егіпталогія.

Егіпецкая мова
Саманазва	r3 n(.j) Km.t
Краіны	Да- і Дынастычны, Пталамееўскі, Рымскі, Візантыйскі і Арабскі Егіпет
Агульная колькасць носьбітаў	даходзіла да некалькіх сотняў тысяч
Статус	мёртвая мова
Вымерла	XVII ст. (копцкая мова)
Класіфікацыя
Катэгорыя	Мовы Афрыкі
Афразійская макрасям'я Егіпецкая сям'я (стараегіпецкая ранняя, стараегіпецкая, сярэднеегіпецкая, новаегіпецкая, сярэднеегіпецкая позняя, дэматычная, пталемееўская дэматычная, копцкая)
Пісьменнасць	егіпецкая (іерагліфіка, іератыка, дэмотыка) грэчаская (копцкае пісьмо)
Моўныя коды
ДАСТ 7.75–97	дре 187
ISO 639-1	—
ISO 639-2	egy
ISO 639-3	egy
ISO 639-5	egx
Linguasphere	11-AAA-a
IETF	egy
Glottolog	egyp1246

Перыядызацыя егіпецкай мовы:

• Стараегіпецкая мова (32 — 22 стст. да н.э.)
• Сярэднеегіпецкая мова (22 — 14 стст. да н.э.)
• Новаегіпецкая мова (14 — 7 стст. да н.э.)
• Дэматычная мова (7 ст. да н.э. — 5 ст. н.э.)
• Копцкая мова (3 — 17 стст., цяпер богаслужэбная мова копцкай царквы)