Гала Плацыдзія
Гала Плацыдзія (лац.: Galla Placidia; каля 388—27 лістапада 450 гг.) — дачка рымскага імператара Феадосія Вялікага.
На працягу двух гадоў — каралева вестготаў, пасля кіравала Заходняй Рымскай імперыяй у маленства свайго сына, імператара Валентыніяна III.
| Гала Плацыдзія | |||||||
|---|---|---|---|---|---|---|---|
| лац.: Galla Placidia | |||||||
 Партрэт Галы Плацыдзіі на залатым медальёне | |||||||
| |||||||
| Папярэднік | Іаан | ||||||
| Пераемнік | Валентыніян III | ||||||
| Нараджэнне | 386 | ||||||
| Смерць | 27 лістапада 450[…] | ||||||
| Месца пахавання | |||||||
| Род | Дынастыя Феадосія[d] | ||||||
| Бацька | Феадосій I Вялікі | ||||||
| Маці | Гала[d] | ||||||
| Муж | 1) Атаульф 2) Канстанцый III | ||||||
| Дзеці | Феадосій і Валентыніян, дачка Ганорыя | ||||||
| Веравызнанне | хрысціянства | ||||||
| Дзейнасць | палітык | ||||||
 Медыяфайлы на Вікісховішчы | |||||||
Біяграфія
Асабістая гісторыя Галы Плацыдзіі наклалася на гісторыю гібелі Рымскай імперыі, яе незвычайны лёс цесна звязана з важнымі падзеямі 1-й паловы V стагоддзя. Народжаная ў апошнія гады існавання адзінай імперыі, пасля яе канчатковага распаду ў 395 годзе Гала засталася ў Італіі пад апекай старэйшага брата, імператара Ганорыя, і яго палкаводца Стыліхона.
З 409 года яна знаходзіцца ў знатных закладніках у караля вестготаў Аларыха, а пасля яго смерці Гала ў 414 годзе стала жонкай новага вестгоцкага караля Атаульфа і нават нарадзіла яму сына. Заўдавеўшы праз год, Гала Плацыдзія стала прадметам гандлю за хлеб паміж вестготамі і Ганорыем.
Яна змагла вярнуцца ў Рым у 416 годзе і хутка супраць волі была выдадзена братам замуж за яго паспяховага палкаводца Канстанцыя, якому нарадзіла дачку і сына Валентыніяна. Валентыніян у 425 годзе атрымаў у спадчыну трон Заходняй Рымскай імперыі, але прынамсі першыя 12 гадоў за яго кіравала яго маці, Гала Плацыдзія. Гала сканала ў 450 годзе, напярэдадне нашэсця на Заходнюю Еўропу гунаў Атылы.
Дзеці
- Феадосій (414—415 гг.) — сын ад караля вестготаў Атаульфа, памёр немаўлём.
- Юста Грата Ганорыя (417—пасля 452 года) — дачка ад палкаводца Канстанцыя. У 449 годзе зацяжарыла ад набліжанага чыноўніка, пасля чаго яе гвалтоўна выдалі замуж за састарэлага сенатара. Каб пазбегнуць замужжа, яна заклікала на дапамогу правадыра гунаў Атылу, які скарыстаўся гэтай падставай для спусташэння Галіі, а затым уварвання ў Італію. Пасля 452 года весткі пра лёс Ганорыі адсутнічаюць, меркавана яна магла быць пакарана смерцю.
- Флавій Плацыд Валентыніян (419—455 гг.) — сын ад палкаводца Канстанцыя. Стаў імператарам у 425 годзе. Спачатку за яго кіравала яго маці Гала Плацыдзія, затым фактычную ўладу ажыццяўляў палкаводзец Аэцый. Забіты целаахоўнікам-готам у 455 годзе.
Зноскі
Спасылкі
 | Гала Плацыдзія на Вікісховішчы |
|---|
- John Bagnall Bury, «History of the Later Roman Empire», ch. 5.6—6.1 (англ.). Праверана 18 студзеня 2009.: акадэмічнае выданне 1889 года па гісторыі позняй Рымскай імперыі і варварскіх народаў з падрабязнымі спасылкамі на першакрыніцы.
- Edward Gibbon, History of the Decline and Fall of the Roman Empire, глава 33 Архівавана 14 верасня 2004.
- Галерэя фатаграфій маўзалею Галы Плацыдзіі ў Равене
This article uses material from the Wikipedia Беларуская article Гала Плацыдзія, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Матэрыял даступны на ўмовах CC BY-SA 4.0, калі не пазначана іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (DUHOCTRUNGQUOC.VN) is an independent company and has no affiliation with Wiki Foundation.