Сыстэма Кіраваньня Базамі Зьвестак

Для стварэньня й кіраваньня інфармацыйнай сыстэмай СКБЗ неабходная ў той жа ступені, як для распрацоўкі праграмы на альгарытмічнай мове неабходны трансьлятар.

Асноўныя функцыі СКБЗ:

• кіраваньне зьвесткамі ў вонкавай памяці (на дысках);
• кіраваньне зьвесткамі ў апэратыўнай памяці;
• журналізацыя зьменаў і аднаўленьне базы зьвестак пасьля памылак;
• падтрымка моваў баз зьвестак.

Звычайна сучасная СКБЗ мае наступныя кампанэнты:

• ядро, якое адказвае за кіраваньне зьвесткамі ў вонкавай і апэратыўнай памяці і журналізацыю,
• працэсар мовы базы зьвестак, які забясьпечвае аптымізацыю запытаў на выманьне і зьмяненьне зьвестак і стварэньне, як правіла, машынна-незалежнага выканальнага ўнутранага коду,
• падсыстэму падтрымкі часу выкананьня, якая інтэрпрэтуе праграмы маніпуляцыі зьвесткамі, якія ствараюць інтэрфэйс карыстальніка з СКБЗ
• а таксама сэрвісныя праграмы (вонкавыя ўтыліты), якія забясьпечваюць шэраг дадатковых магчымасьцяў па абслугоўваньні інфармацыйнай сыстэмы.

Паводле тыпу кіраваньня базы зьвестак СКБЗ падзяляюцца на:

• Сеткавыя
• Герархічныя
• Рэляцыйныя
• Аб’ектна-рэляцыйныя
• Аб’ектна-арыентаваныя

Паводле спосабу доступу да БЗ СКБЗ падзяляюцца на:

• Файл-сэрвэрныя
• Кліент-сэрвэрныя

На гэты момант файл-сэрвэрныя СКБЗ лічацца састарэлымі.