Вёска Грымяча
Грымя́ча (таксама — Грамэ́ча) — вёска ў Камянецкім раёне Берасьцейскай вобласьці.
Уваходзіць у склад Воўчынскага сельсавету. Вёска разьмешчана на левым беразе ракі Пульвы. Знаходзіцца ў пагранічнай зоне.
| Грымяча | |
| трансьліт. Hrymiača | |
 Рэшткі сядзібы | |
| Краіна: | Беларусь |
| Вобласьць: | Берасьцейская |
| Раён: | Камянецкі |
| Сельсавет: | Воўчынскі |
| Насельніцтва: | 16 чал. (2009) |
| Часавы пас: | UTC+3 |
| Тэлефонны код: | +375 1631 |
| Паштовы індэкс: | 225083 |
| СААТА: | 1240817021 |
| Нумарны знак: | 1 |
| Геаграфічныя каардынаты: | 52°17′50″ пн. ш. 23°21′55″ у. д. / 52.29722° пн. ш. 23.36528° у. д. 23°21′55″ у. д. / 52.29722° пн. ш. 23.36528° у. д. |
Грымяча на мапе Беларусі ±   Грымяча | |
 Галерэя здымкаў у Вікісховішчы | |
Гісторыя
Першымі ўладальнікамі маёнтку ў XV стагодзьдзі былі Ільлінічы. У 1612 годзе належала Аляксандру Гансеўскаму, уласьніку мястэчка Воўчын. У 1708 годзе ўладальніца маёнтку Тэрэза Гансеўская выйшла замуж за Казімера Яна Сапегу, пасьля гэтага маёнтак часта зьмяняў уласьнікаў, пасьля Сапегаў Грымяча належала Флемінгам, Чартарыйскім, Панятоўскім і зноў Чартарыйскім.
Пасьля трэцяга падзелу Рэчы Паспалітай (1795) Грымяча ў складзе Расейскай імпэрыі, належала да Берасьцейскага павету Гарадзенскай губэрні.
У 1828 годзе князь Канстанцін Чартарыйскі прадаў маёнтак Караліне з Пуслоўскіх. Затым ён належаў Віслоцкім, а ў другой палове XIX стагодзьдзя стаў уласнасьцю роду Пузынаў, якія збудавалі тут дваранскую сядзібу (магчыма, што яе будаўніцтва пачалі яшчэ Віслоцкія).
У 1897 годзе вёска налічвала 40 двароў і 299 жыхароў, у 1905 годзе тут жыло 319 чалавек.
Згодна з Рыскай дамовай вёска ўвайшла ў склад міжваеннай Польшчы. У 1923 годзе тут было 38 двароў і пражывала 129 жыхароў. З 1939 году ў складзе БССР. У Вялікую Айчынную вайну на франтах загінула 20 жыхароў вёскі.
З 1950-х гадоў сядзібны дом выкарыстоўваўся як піянэрскі лягер, дзякуючы чаму да 1990 году быў у добрым стане. Пасьля сядзіба была занядбана і паступова руйнавалася. Неаднаразовыя заявы аб пачатку рэстаўрацыйных работ не пацьвярджаюцца, у лепшым выпадку гаворка ідзе пра працы па кансэрвацыі.
Насельніцтва
- 2009 год — 16 чалавек
- 1999 год — 30 чалавек
Інфармацыя для турыстаў
- Рэшткі сядзібна-паркавага ансамблю
Асобы
- Юзаф Эдвард Пузына (1878—1949) — польскі гісторык, пісьменьнік, паэт
Крыніцы
Вонкавыя спасылкі
Грымяча (вёска) — сховішча мультымэдыйных матэрыялаў
This article uses material from the Wikipedia Беларуская (тарашкевіца) article Грымяча (вёска), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.