Алеся Фурс
Алеся Фурс (Умпіровіч) (11 студзеня 1925 году ў вёсцы Азярава Відзаўскага раёну (цяпер Браслаўскі раён) — 19 жніўня 2017 году, Паставы) — сяброўка Глыбоцкай групы моладзевай падпольнай арганізацыі Саюз беларускіх Патрыётаў (СБП).
Вязень савецкіх канцэнтрацыйных лягераў з 1947 па 1956 год.
Алеся Фурс | |
| Дата нараджэньня | 11 студзеня 1925 |
|---|---|
| Месца нараджэньня |
|
| Дата сьмерці | жнівень 2017 (92 гады) |
| Месца сьмерці | |
| Месца вучобы | |
| Бацька | Лявон Умпіровіч[d] |
- Вікіпэдыя мае артыкулы пра іншых асобаў з прозьвішчам Фурс.
У 1943 годзе, падчас вучобы ў Пастаўскай настаўніцкай сэмінарыі, уступіла ў Саюз беларускіх патрыётаў (СБП) — падпольную патрыятычную моладзевую арганізацыю.
25 сакавіка 1946 году для цырымоніі прыняцьця прысягі сяброў СБП на вернасьць Беларусі Алеся намалявала «Пагоню». У 1948 годзе дзяўчыну арыштавалі, судзілі, і яна атрымала 25 гадоў зьняволеньня ў Мардовіі. Бацьку Алесі савецкія ўлады прысудзілі 10 гадоў зьняволеньня за тое, што не выдаў сваю родную дачку, але пасьля зьдзекаў савецкіх карнікаў ён здолеў пражыць у няволі толькі некалькі гадоў.
У лягеры сябравала зь вядомай беларускай паэткай Ларысай Геніюш.
Пасьля сьмерці Сталіна тэрмін зьняволеньня быў скарочаны да 10 гадоў.
Пасьля вызваленьня ў 1956 годзе выйшла замуж за сябра Глыбоцкай філіі СБП Антона Фурса. Сям’я жыла ў Казахстане, дзе нарадзіліся сын і дачка. У вольны час Алеся Фурс займалася маляваньнем, завочна скончыла Маскоўскі народны ўнівэрсытэт мастацтваў.
У 1982 годзе сям’я Фурсаў вярнулася на радзіму, пасялілася ў Паставах. Алесю Фурс рэабілітавалі 23 лістапада 1992 году.
Глядзіце таксама
Крыніцы
This article uses material from the Wikipedia Беларуская (тарашкевіца) article Алеся Фурс, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.