Ян Антоні Храпавіцкі (1 кастрычніка 1612, вёска Падбярэзьзе каля Віцебску — 3 лістапада 1685, Лукішкі пад Віцебскам) — дзяржаўны дзяяч Вялікага Княства Літоўскага, аўтар дзёньніка.
Харужы (з 1650) і падкаморы смаленскі (з 1660), ваявода віцебскі (з 1669). Трымаў Дарагабускае, Азярыцкае і Маркаўскае староствы, адміністратар Магілёўскай эканоміі (1684).
Ян Антоні Храпавіцкі. Партрэт са збораў В. Федаровіча ў Віцебску | |
Герб «Газдава» | |
Асабістыя зьвесткі | |
---|---|
Нарадзіўся | 1 кастрычніка 1612
|
Памёр | 3 лістапада 1685 (73 гады) |
Род | Храпавіцкія |
Бацькі | Крыштаф Храпавіцкі[d] Алена з Войнаў-Ясянецкіх[d] |
Дзеці | Стэфан Антоні Храпавіцкі[d], Крыштаф Антоні Храпавіцкі[d], Карнелія Францішка з Храпавіцкіх[d] і Ян Францішак Храпавіцкі[d] |
Дзейнасьць | пісьменьнік, палітык, службовая асоба |
Прадстаўнік шляхецкага роду Храпавіцкіх гербу «Газдава», сын Крыштапа і Алены Вайнянкі зь Ясянецкіх. Скончыў калегіюм Навадворскіх у Кракаве, працягваў навучаньне ў Лёндане і Падуі. У 1637 року перайшоў з кальвінізму ў каталіцтва, што дало яму магчымасьць займацца грамадзкай і палітычнай дзейнасьцю і зрабіць кар’еру.
Займаў шэраг дзяржаўных пасадаў. Быў сакратаром караля польскага і вялікага князя літоўскага Яна Казімера. Актыўны ўдзельнік палітычнага жыцьця Рэчы Паспалітай: браў удзел у працы 24 соймаў, маршалак соймаў 1665 і 1668 рокаў, уваходзіў у шматлікія соймавыя камісіі, а таксама ў Скарбовы трыбунал Вялікага Княства Літоўскага.
У сярэдзіне XVII стагодзьдзя ўдзельнічаў у працы камісіі для разьмежаваньня Вяліскага і Ўсьвяцкага старостваў зь Невельскім. Браў удзел у перамовах з Маскоўскай дзяржавай, а таксама ў падпісаньні Андрусаўскага замірэньня (1667).
Пакінуў дзёньнік за 1658—1685 рокі — каштоўную гістарычную крыніцу, дзе ёсьць зьвесткі пра палітычнае жыцьцё Рэчы Паспалітай, соймы, штодзённае жыцьцё заможнай шляхты, звычаі і норавы.
This article uses material from the Wikipedia Беларуская (тарашкевіца) article Ян Антоні Храпавіцкі, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.