Эдуард ван Бэйнум (Eduard van Beinum) (3 верасьня 1900, Арнэм, Нідэрлянды — 13 красавіка 1959, Амстэрдам) — нідэрляндзкі дырыгент.
Вядомы як папулярызатар музыкі Антона Брукнэра.
Быў дырыгентам-самавукам. Ад 1927 да 1931 г. кіраваў аркестрам Гаарлемскага аркестравага таварыства. У 1931 годзе заняў пазыцыю другога дырыгента Каралеўскага аркестру Канцэртгебаў (асыстэнта Вілема Мэнгельбэрга). Ад 1938 году ўжо падзяляў пасаду галоўнага дырыгента з Мэнгельбэргам. У 1945-м годзе, па заканчэньні Другой сусьветнай вайны, ван Бэйнум стаўся аднаасобным галоўным дырыгентам Каралеўскага аркестру Канцэртгебаў (тады як Мэнгельбэргу было забаронена займацца дырыгентскай дзейнасьцю ў Нідэрляндах празь ягонае супрацоўніцтва з акупацыйным рэжымам). Наступнікам ван Бэйнума ад 1959 году быў Бэрнард Гайтынк.
У 1947-1949 гадох ван Бэйнум быў таксама галоўным дырыгентам Лёнданскага філярманічнага аркестру. У 1956 быў галоўным дырыгентам Лёс-Анжелескага філярманічнага аркестру.
Памёр ад вострага сардэчнага прыступу падчас рэпэтыцыі на сцэне Канцэртгебаў, працуючы над 1-й Сымфоніяй Брамса.
У цяперашні час існуе Фундацыя імя Эдуарда ван Бэйнума (Eduard van Beinum Stichting), якая падтрымлівае маладых таленавітых артыстаў.
This article uses material from the Wikipedia Беларуская (тарашкевіца) article Эдуард ван Бэйнум, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.