Талёнасы, «вагноркі», летувіскія талёны — неафіцыйная назва «агульных талёнаў», часовых грошай, уведзеных у Летуве ў якасьці аплатнага сродку спачатку раўналежна, затым наўзамен савецкаму рублю пасьля абвяшчэньня ёю ў 1991 року незалежнасьці ад СССР.
Талёнас | |
Краіна | Летува |
---|---|
Код ISO-4217 | LTT |
Увядзеньне ва ўжытак | 1991 |
Вывядзеньне з ужытку | 1993 |
Папярэдняя валюта | савецкі рубель |
Замененая валютай | летувіскі літ |
Галерэя выяваў у Вікісховішчы |
Назву «вагноркі» (па-летувіску: vagnorkės) атрымалі паводле прозьвішча прэм’ер-міністра Летувы з 13 студзеня 1991 па 21 ліпеня 1992 року Гедымінаса Вагноруса. Яшчэ адна назва — «žvėriukai» (па-беларуску: зьвераняты).
Былі ўведзеныя ў абарот 5 жніўня 1991 і з 1 кастрычніка 1992 року абвешчаныя адзіным законным аплатным сродкам у Летувіскай Рэспубліцы. Такім чынам Летува выйшла з рублёвай зоны.
На «вагнорках» разьмешчаныя выявы фаўны Летувы (выпуск 1991):
Выпускаліся разьменныя часткі талёнаў — 0,10 і 0,50 талёнаў.
У паўторным выпуску быў дададзены надпіс пра пакараньне за падробку і ўведзеная яшчэ адна разьменная частка — 0,20 талёнаў.
У 1992 годзе выпушчаныя талёны новага ўзору — меншага памеру і зь іншым малюнкам:
У пачатку 1993 былі выпушчаныя мадыфікацыі:
«Вагноркі» адрозьніваліся прымітыўнасьцю вырабу і нізкім узроўнем абароны ад падробак.
З увядзеньнем у зварот 25 чэрвеня 1993 літа «часовыя грошы» мяняліся ў суадносінах 100 : 1. Талёнасы знаходзіліся ў абароце да 20 ліпеня 1993.
This article uses material from the Wikipedia Беларуская (тарашкевіца) article Талёнас, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.