Сьцяўа Бухарэст: румынскі футбольны клюб

Заснаваны ў 1947 годзе. Клюб зьяўляецца найбольш пасьпяховым сярод румынскіх клюбаў ня толькі ў айчынным першынстве, маючы на сваім рахунку 26 перамог, але й на эўрапейскіх спаборніцтвах. «Сьцяўа» стала першай усходнеэўрапейскай камандай, якая здолела перамагчы ў Кубку эўрапейскіх чэмпіёнаў, зрабіўшы гэтае ў 1986 годзе. У сэзоне 1988—1989 гадоў «Сьцяўа» зноўку дайшла да фіналу прэстыжнага эўрапейскага клюбу, але атрымала паразу ад італьянскага «Міляну». На рухунку клюбу таксама маюцца 22 перамогі ў Кубку Румыніі і 6 перамог у Супэркубку Румыніі, а таксама аднойчы клюб стаў пераможцам Кубка лігі Румыніі.

Сьцяўа
Поўная назва	Fotbal Club Steaua Bucureşti
Заснаваны	7 чэрвеня 1947
Горад	Бухарэст, Румынія
Стадыён	Нацыянальны Умяшчальнасьць: 55 634
Прэзыдэнт	Валерыю Аргэсялэ[d]
Кіраўнік	Георге Бэкалі[d]
Галоўны трэнэр	Эліяс Харалямбус[d]
Чэмпіянат	Ліга 1
· 2022—2023	2 месца
Галерэя здымкаў у Вікісховішчы fcsb.ro (рум.)​ (анг.)

Клюб гістарычна вядомы як спартовы клюб румынскага войска. Аднак яшчэ ў 1998 годзе клюб аддзяліўся ад войска, стаўшы незалежным. На дадзены момант адзінай прамой спасылкай на войска зьяўляецца стадыён «Нацыянальны», які знаходзіцца ва ўласнасьці Міністэрства нацыянальнай абароны.

«Сьцяўа» ўсю сваю гісторыю праводзіць у наймацнейшым дывізіёне чэмпіянату Румыніі, толькі пяць разоў скончыўшы сэзон на месцы ніжэйшым за шостае. Першапачаткова клюб гуляў у колерах румынскага трыкалёру, то бок сінім, жоўтым і чырвоным, але неўзабаве жоўты страціў сваё значэньне, і каманда стала асацыявацца з чырвоным і сінім колерам. Аднак у апошнія часы на новай форме клюбу пачаў зноўку выкарыстоўвацца жоўты колер.

Клюб мае даўняе суперніцтва з бухарэсцкім «Дынама», матчы паміж якімі звычайна называюць «Адвечным дэрбі» або «Румынскім дэрбі».

Сьцяўа мае найвялікшую колькасьць прыхільнікаў сярод усіх клюбаў у Румыніі. Апытанка, якую зладзілі ў чэрвені 2007 году, вызначыла, што прыхільнікамі клюбу ёсьць прыблізна 42% усіх аматараў румынскага футболу. Гэта значна больш, чым каманды, якія займаюць другое і трэцяе месцы, як то бухарэсцкія «Дынама» (12%) і «Рапід» (12%). Самая вялікая колькасьць прыхільнікаў клюбу месьціцца ў Бухарэсьце, у прыватнасьці, у раёнах, прылеглых да арэны, а таксама ў паўднёвай частцы гораду. Акрамя таго, заўзятары клюбу жывуць ня толькі ў сталіцы краіны, але і ў іншых гарадах Румыніі і за мяжой.

Актуальны на 24 лютага 2024 году

№ Пазыцыя Імя Год нараджэньня 1   Бр Міхай Удра 2001 2   Аб Валентын Крэцу 1989 3   Аб Ёнуц Панцыру 1996 5   Аб Жайскім Дава 1996 6   Аб Дэніс Харуц 1999 7   Нап Фларынэл Коман 1998 8   ПА Адрыян Шут 1999 10   Нап Актавіян Папэску 2002 11   Нап Давід Мікулеску 2001 16   ПА Міхай Ліксандру 2001 18   ПА Андрэй Пандэле 2003 19   Нап Луіс Фэліпэ 2001 20   Аб Нана Антві 2000

№ Пазыцыя Імя Год нараджэньня 21   Аб Улад Кірыкеш 1989 22   ПА Міхай Тома 2007 23   ПА Авідыю Папэску 1994 25   Нап Аляксандру Бэлуцэ 1993 27   ПА Дарыюс Алару (капітан) 1998 28   Аб Аляксандру Панця 2003 30   Аб Сіябонга Нгезана 1997 32   Бр Штэфан Тырнавану 2000 33   Аб Рыста Радунавіч 1992 42   ПА Баба Алясан 2000 80   ПА Эдуард Рэдэслэвэску 2004 99   Бр Андрэй Улад 1999

• Афіцыйны сайт