Міжнародны Легіён Тэрытарыяльнай Абароны Ўкраіны
Міжнародны легіён тэрытарыяльнай абароны Ўкраіны (па-ўкраінску: Міжнародний легіон територіальної оборони України) — добраахвотніцкае вайсковае падразьдзяленьне, створанае ўрадам Украіны па просьбе прэзыдэнта Уладзімера Зяленскага 27 лютага 2022 году, для адбіцьця ўварваньня Расеі.
Гісторыя
Пад кіраўніцтвам прэзыдэнта Ўладзімера Зяленскага падразьдзяленьне было створана для далучэньня да абароны Ўкраіны ад расейскага ўварваньня ва Ўкраіну ў 2022 годзе, аб фармараваньні якога было абвешчана ў заяве міністра замежных спраў Украіны Дзьмітрыя Кулебы 27 лютага 2022 году каля 11:00 (UTC+3). Кулеба таксама зьмясьціў пост аб стварэньні легіёну ў сацыяльнай сетцы «Twitter», дзе запрасіў асобных людзей падаваць заяўкі, заяўляючы, што «разам мы перамаглі Гітлера, пераможам і Пуціна».
Жадаючым служыць у падразьдзяленьні трэба зьвяртацца ў пасольства Ўкраіны ў сваёй краіне. Намаганьні па стварэньню Міжнароднага легіёну тэрытарыяльнай абароны Ўкраіны нагадваюць намаганьні Кіеву падчас і пасьля баёў на Данбасе ў 2014 годзе па наборы замежных добраахвотніцкіх батальёнаў.
3 сакавіка 2022 году афіцыйны прадстаўнік Міністэрства абароны Расейскай Фэдэрацыі Ігар Канашэнкаў папярэдзіў, што калі якія-небудзь замежныя вайскоўцы будуць затрыманыя на тэрыторыі Ўкраіны, зь імі ня будуць абыходзіцца гуманна, і яны ня будуць лічыцца ваеннапалоннымі.
Крыніцы
Вонкавыя спасылкі
This article uses material from the Wikipedia Беларуская (тарашкевіца) article Міжнародны легіён тэрытарыяльнай абароны Ўкраіны, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.