Мужчынскі Хор «Унія»
Мужчы́нскі хор «У́нія» — камэрны хор пад кіраўніцтвам Кірылы Насаева.
Гэтаксама «Унія» зьяўляецца першым мужчынскім хорам Беларусі.
| Унія | |
| Інфармацыя | |
|---|---|
| Гады | 1990—2002 2011 |
| Адкуль | Менск, Беларусь Магілёў, Беларусь |
| Мова | беларуская |
| https://vk.com/club32015992 | |
Гісторыя
Камэрны хор «Унія» быў заснаваны ў 1990 року. У 1993 годзе заняў першае месца на фэстывалі духоўнай музыкі «Магутны Божа», у 1995 годзе стаў ляўрэатам конкурсу імя Шубэрта ў Вене, даваў канцэрты ў Францыі, Бэльгіі, Турэччыне, Польшчы, Летуве. З 1995 року пры Магілёўскай філярмоніі. У 1996 годзе хор запісаў праграму «Музыка Літвы і Кароны», якая была выдадзеная на касэтах і стала рарытэтам. У 1998 годзе была выдадзеная шчэ адна ўнікальная праграма — «Беларускія маршы й песьні. Лірыка змаганьня», прысьвечаная БНР. Зь 2001 року хор ізноў працуе ў Менску. У тым жа 2001 г. Кірыла Насаеў прыняў рашэньне аб прыпыненьні дзейнасьці хору, бо на пачатку 2000-х фінансаваньне скончылася. Апошні канцэрт «Унія» дала ў лістападзе 2002 году ў Менску.
У 2011 годзе хор аднавіўся дзеля аднаго канцэрту ў менскім Палацы прафсаюзаў 16 лістапада.
Творчасьць
Вылучаецца арыгінальным манэрам канцэртнага выкананьня музычных твораў. У першапачатковым рэпэртуары манастырскія напевы 15-17 стагодзьдзяў, пазьней — рэлігійныя й сьвецкія творы (больш за 200 з розных эпохаў), у тым ліку гімны, апрацоўкі народных песьняў, духоўная музыка кампазытараў 16-20 стагодзьдзяў (Вацлаў з Шамотул, Цыпрыян Базылік, М. Равенскі, А. Рагачэўскі, М. Шчаглоў, М. Бутома) і сучасных аўтараў (А. Літвіноўскі, І. Маціеўскі, В. Кузьняцоў) і іншыя.
Даволі знакамітыя выкананьні хору «Ваяцкі марш» і «Пагоня»
Праграмы
Музыка Літвы і Кароны (1996)
Беларускія маршы й песьні. Лірыка змаганьня (1998)
«Беларускія маршы й песьні» — гэта супольны праект рэдакцыі газэты «Наша Ніва» і мужчынскага хору «Унія».
Вонкавыя спасылкі
This article uses material from the Wikipedia Беларуская (тарашкевіца) article Мужчынскі хор «Унія», which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.