Магілёўцы

Уваходзіць у склад Зеляневіцкага сельсавету.

Магілёўцы
трансьліт. Mahilioŭcy
Памятны знак Канстытуцыі 3 траўня
Краіна:	Беларусь
Вобласьць:	Берасьцейская
Раён:	Пружанскі
Сельсавет:	Зеляневіцкі
Насельніцтва:	514 чал. (2010)
Часавы пас:	UTC+3
Тэлефонны код:	+375 1632
Паштовы індэкс:	225157
СААТА:	1256825051
Нумарны знак:	1
Геаграфічныя каардынаты:	52°52′23″ пн. ш. 24°40′30″ у. д. / 52.87306° пн. ш. 24.675° у. д. / 52.87306; 24.675 24°40′30″ у. д. / 52.87306° пн. ш. 24.675° у. д. / 52.87306; 24.675
Магілёўцы на мапе Беларусі ± Магілёўцы Магілёўцы
Галерэя здымкаў у Вікісховішчы

Непадалёк ад вёскі знаходзіцца ўзвышша, на якім выяўленыя масавыя пахаваньні. Мясцовыя насельнікі завуць гэтае месца Магільнікам. Паводле аднае з вэрсіяў, ад яго атрымала назву і вёска.

Сярод іншых вэрсіяў паходжаньня назвы — у гонар пасяленцаў, што нібыта прыехалі сюды з-пад Магілёву, або паводле назвы родавага гербу «Магіла» ўладальнікаў гэтых земляў — Быхаўцаў. Апошняя вэрсія мае асаблівы сэнс з-за магчымага словаўтваральнага і этымалягічнага падабенства і спалучэньня з назвамі дзьвюх блізкіх вёскаў — гэта Брантоўцы (некалі маёмасьць памешчыка Брандта) і Зельзін (некалі маёмасьць памешчыка Зельдзіна).

Сядзіба закладзеная Язэпам Быхаўцам, камэргерам караля Рэчы Паспалітай Станіслава Аўгуста Панятоўскага, у XVIII стагодзьдзі. Унутры барокавага парку знаходзіўся двухпавярховы палац.

За расейскім часам — у Лыскаўскай воласьці Ваўкавыскага павету Гарадзенскай губэрні, уласнасьць Быхаўцаў. Па сьмерці Аляксандра Быхаўца ў 1863 годзе ўласьнікам маёнтку стаў ягоны сын Станіслаў, ад якога Магілёўцы перайшлі ў спадчыну ягонаму пляменьніку Казімеру Дзяконскаму.

Пасьля Быхаўцаў Магілёўцы перайшлі да Казімера і Стэфаніі Дзяконскіх. Апошнім уласьнікам быў Альбін Дзяконскі. Пасьля прыходу Саветаў у 1939 року Альбін быў арыштаваны і перавезены ў Менск, пасьля чаго ягоны сьлед губляецца. Меркавана ён загінуў там у 1940 року. Родавая капліца Быхаўцаў была зьнішчаная, парк закінуты. Палац у цяперашні час займае псыхіятрычная больніца.

• 2010 год — 514 чалавек
• 1999 год — 697 чалавек

Аўтамабільныя дарогі Н536 Ярашэвічы — Зіновічы — Магілёўцы і Н564 Магілёўцы — Лібярполь.

• Палацава-паркавы комплекс Дзяконскіх (XVIII стагодзьдзе)
• Мэмарыяльная калёна (XVIII—XIX стагодзьдзі)
• Курганны могільнік пэрыяду раньняга сярэднявечча (XI стагодзьдзе)

• Аляксандар Быхавец — шляхціч, адкрывальнік рукапісу па гісторыі ВКЛ
• Альбін Дзяконскі — польскі паэт, апошні ўласьнік маёнтку ў Магілёўцах

• Магілёўцы , Radzima.org
• Магілёўцы  (рас.), Глёбус Беларусі