Ляцыё Рым: італьянскі футбольны клюб з Рыму

Lazio) — італьянскі футбольны клюб з гораду Рыму. Заснаваны ў 1900 годзе. Двухразовы чэмпіён Італіі (1974, 2000), шасьціразовы ўладальнік Кубка Італіі. Уладальнік Кубка ўладальнікаў кубкаў УЭФА (1999) і Супэркубка УЭФА (1999).

Ляцыё
Поўная назва	Società Sportiva Lazio S.p.A.
Заснаваны	9 студзеня 1900
Горад	Рым, Італія
Стадыён	Стадыё Алімпіка Умяшчальнасьць: 70 634
Прэзыдэнт	Кляўдыё Лятыта[d]
Кіраўнік	Кляўдыё Лятыта[d]
Галоўны трэнэр	Ігар Тудар[d]
Чэмпіянат	Сэрыя A
· 2022—2023	2 месца
Хатнія колеры Выязныя колеры Трэція колеры
Галерэя здымкаў у Вікісховішчы sslazio.it (італ.)​ (анг.)

Каманда была заснавана ў 1900 годзе, і большую частку сваёй гісторыі праводзіць найвышэйшай лігі краіны Сэрыі A. Клюб меў першы буйны посьпех у 1958 годзе, калі перамог у Кубку лігі. У 1974 годзе яны выйгралі свой першы тытул Сэрыі А. Апошнія 15 гадоў былі самым пасьпяховым пэрыядам у гісторыі «Ляцыё», калі яны перамаглі ў Кубку ўладальнікаў кубкаў і Супэркубку УЭФА ў 1999 годзе, чэмпіянат Італіі ў 2000 годзе, некалькі кубкаў лігі й дасягнулі фіналу Кубка УЭФА ў 1998 годзе.

«Ляцыё» традыцыйна мае блакітныя кашулі й шорты зь белымі шкарпэткамі. Іхны стадыён «Стадыё Алімпіка» мае ўмяшчальнасьць у 72 689 чалавек, які яны падзеляюць з «Ромай». «Ляцыё» мае даўнюю канкурэнцыю з «Ромай», дэрбі паміж гэтымі клюбамі называецца Рымскім дэрбі, супрацьстаяньне вядзецца з 1929 году.

Клюб «Ляцыё» зьяўляецца спартовым клюбам, які аб’ядноўвае каманды ў сарака спартовых дысцыплінаў у агульнай складанасьці, больш чым любое іншае спартовае аб’яднаньне ў сьвеце.

 

Спартовая арганізацыя «Società Podistica Lazio» была заснавана 9 студзеня 1900 году ў раёне Прато ў Рыме былым вайскоўцам Люіджы Біджарэльлі. «Ляцыё» ёсьць першай футбольнай камандай з Рыму, якая пачала ўдзельнічаць у розыгрышу лігі ў 1912 годзе, як толькі Італьянская фэдэрацыя футболу стала арганізоўваць чэмпіянаты ў цэнтры й на поўдні Італіі. Клюб у першыя гады існаваньня лігі выходзіў у фінал плей-оф нацыянальнага чэмпіянату тры разы, але гэтак ніводнага разу не атрымліваў перамогу, прайграўшы ў 1913 годзе клюбу «Пра Вэрчэльлі», у 1914 годзе — «Касале», а ў 1923 годзе — «Джэноа».

У 1927 годзе клюб быў адзінай буйной рымскай камандай, якая супраціўляўся спробам фашысцкага рэжыму на аб’яднаньне ўсіх клюбаў гораду ў адзіну каманду «Рома». Клюб гуляў у першым сэзоне Сэрыі А, якая была арганізаваная ў 1929 годзе, на чале зь легендарным італьянскім нападнікам Сыльвіё Піёляй. Найвышэйшая выніковай пазыцыя клюбу ў даваенныя часы ёсьць другое месца ў 1937 годзе.

У 1950-я гады клюб займаў пазыцыі ў сярэдзіне ці верхняй палове выніковай табліцы, а таксама атрымаў перамогу ў Кубку Італіі 1958 году. «Ляцыё» ўпершыню вылецела з найвышэйшага дывізіёну італьянскага чэмпіянату ў 1961 годзе ў Сэрыю Б, але вярнулася ў найвышэйшы дывізіён праз два гады. Пасьля шэрагу фінішаў у сярэдзіне табліцы, клюб зноўку атрымаў паніжэньне ў клясе ў сэзоне 1970—1971 гадоў. Вярнуўшыся ў Сэрыю А ў сэзоне 1972—1973 гадоў, «Ляцыё» адразу ж нечакана сталася адным з прэтэндэнтаў на скудэта, разам зь «Мілянам» і «Ювэнтусам», толькі параза ў апошні дзень чэмпіянату не дазволіла камандзе заняць першае месца. У тыя часы за клюб гулялі такія гульцы, як то капітан Джузэпэ Ўілсан, а таксама паўабаронцы Лючана Рэ Чэконі й Марыё Фрусталюпі й нападнік Джорджа Чынальля. Пасаду галоўнага трэнэра займаў Тамаза Маэстрэльлі.

• Чэмпіён Італіі: (2)
  • 1974, 2000

• Уладальнікі Кубка Італіі: (6)
  • 1958, 1998, 2000, 2004, 2009, 2013

• Уладальнікі Супэркубка Італіі: (4)
  • 1998, 2000, 2009, 2017

• Уладальнікі Кубак уладальнікаў кубкаў:
  • 1999

• Уладальнікі Супэркубка УЭФА:
  • 1999

Актуальны на 24 лютага 2024 году

№ Пазыцыя Імя Год нараджэньня 3   Аб Люка Пэлегрыні (ар. Ювэнтус) 1999 4   Аб Патрык 1993 5   ПА Матыяс Вэсына 1991 6   ПА Даіці Камада 1996 7   Нап Фэліпэ Андэрсан 1993 8   ПА Матэо Гендузі (ар. Марсэль) 1999 9   Нап Пэдра 1987 10   ПА Люіс Альбэрта 1992 13   Аб Алесіё Раманьёлі 1995 15   Аб Нікалё Казале 1998 17   Нап Чыра Імобіле (капітан) 1990 18   Нап Густаў Ісаксэн 2001 19   Нап Валентын Кастэльянас 1998 20   Нап Матыя Дзаканьні 1995

№ Пазыцыя Імя Год нараджэньня 22   Нап Дыега Гансалес 2003 23   Аб Эльсэід Хюсай 1994 28   ПА Андрэ Андэрсан 1999 29   ПА Мануэль Ляцары 1993 32   ПА Данілё Катальдзі 1994 33   Бр Люіджы Сэпэ (ар. Салернітана) 1991 34   Аб Марыё Хіля 2000 35   Бр Хрыстас Мандас 2001 65   ПА Нікалё Равэльля (ар. Ювэнтус) 2001 70   Нап Сана Фэрнандыш 2006 77   Аб Адам Марушыч 1992 87   Нап Крыстыяна Лямбардзі 1995 94   Бр Іван Провэдэль 1994

• Афіцыйны сайт