Белару́скі інстыту́т наву́кі і маста́цтва (анг.
Belarusan Institute of Arts and Sciences) — грамадзкая навукова-культурная арганізацыя беларускай эміграцыі ў ЗША, заснаваная 16 сьнежня 1951 году, зарэгістраваная 13 жніўня 1953 году як арганізацыя са штаб-кватэрай у Нью-Ёрку з абсягам дзейнасьці на ўсю тэрыторыю ЗША.
Беларускі інстытут навукі і мастацтва | |
Абрэвіятура | БІНіМ |
---|---|
Дата ўтварэньня | 16 сьнежня 1951 (72 гады таму) |
Юрыдычны статус | грамадзкае аб’яднаньне |
Месцазнаходжаньне | Нью-Ёрк, ЗША |
Дзейнічае ў рэгіёнах | ЗША, Канада, Нямеччына |
Старшыня | Вітаўт Кіпель |
Друкаваны орган — навуковы штогоднік «Запісы» (выдаецца з 1952 году). Паводле стану на 2018 год выйшлі 39 выпускаў «Запісаў». У 1954—1963 гадах выдаваўся літаратурна-мастацкі часопіс «Конадні», у 1953—1969 гадах — інфармацыйны часопіс «Абежнік». Інстытут падтрымлівае сувязі з многімі бібліятэкамі сьвету, асабліва з Публічнай бібліятэкай у Нью-Ёрку. У розны час інстытут узначальвалі У. Тамашчык, Я. Ліманоўскі, В. Тумаш, А. Адамовіч, з 1982 году — В. Кіпель. З канца 1980-х гадоў інстытут наладжвае кантакты з арганізацыямі Беларусі.
У розныя гады колькасьць сябраў БІНіМ вагалася ад 100 да 200 чалавек. З 1990-х у БІНіМ працуюць і тутэйшыя навукоўцы з мэтраполіі.
This article uses material from the Wikipedia Беларуская (тарашкевіца) article Беларускі інстытут навукі і мастацтва (выдавецтва), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.