Абвал гандлёвага цэнтру ў Рызе — катастрофа, якая адбылася 21 лістапада 2013 году а 18 гадзіне ў Рызе.
У выніку абвалу даха супэрмаркету «Maxima XX» загінула 54 асобы, а 38 былі параненыя. Гэта была самая вялікая катастрофа ў Латвіі ад часоў атрыманьня незалежнасьці ў 1991 годзе.
Абвал гандлёвага цэнтру ў Рызе | |
Краіна | Латвія |
---|---|
Месца | Рыга |
Тып катастрофы | абвал даху |
Прычына | Нявысьветленая |
Дата | 21 лістапада 2013 |
Час | 17:41 UTC+2 |
Наступствы | |
Загінулі | 54 |
Параненыя | 38 |
Пацярпелі | 40 |
Каардынаты | 56°56′38″ пн. ш. 24°01′03″ у. д. / 56.94389° пн. ш. 24.0175° у. д. 24°01′03″ у. д. / 56.94389° пн. ш. 24.0175° у. д. |
Абвал гандлёвага цэнтру ў Рызе | |
Будынак, які абрынуўся, належаў гандлёвай сетцы Maxima. Ён быў плошчай 4750 мэтраў квадратных і быў здадзены ў эксплюатацыю 3 лістапада 2011 году. Кошт пабудовы перасягнуў 1,4 млн эўра. Выканаўцам работ была фірма Re&Re. У будынку акрамя супэрмаркету «Maxima XX» знаходзіўся таксама банк, пошта і салён прыгажосьці. Пасьля здачы ў эксплюатацыю будынак перамог у архітэктурным конкурсе.
21 лістапада а 16:21 у супэрмаркеце спрацавала пажарная сыгналізацыя. Пэрсанал аднак не .распачаў эвакуацыю, а заспакоіў кліентаў і праінфармаваў іх, што сыгнал быў выкліканы тэхнічнай аварыяйм. У сапраўднасьці сыгналізацыя спрацавала на дым ад электразварачных прац, якія адбываліся ў супэрмаркеце. Дах супэрмаркету абрынуўся а 17:41, калі шмат народу прыйшло туды па закупы пасьля працы.
Каля 18:00 выратавальнікі атрымалі паведамленьне пра абвал часткі даху. Пасьля прыбыцьця першых адзінак спэцтэхнікі адбыўся чарговы завал, у выніку якога загінула трое пажарнікаў. Падчас выратавальнай акцыі частка элемэнтаў канструкцыі, які маглі абрынуцца ўтрымліваліся пад’ёмнымі кранамі. Выратавальнікі празь нейкі час спынялі працы і прасілі сваякоў загінуўшых тэлефанаваць родным, што апынуліся пад заваламі. Дзякуючы гэтаму знаходзіліся новыя ахвяры.
Прычыны катастрофы невядомыя Паліцыя мае тры гіпотэзы: заганы праекту і няправільны будаўнічы нагляд, заганнае выкананьне ці зьмяшчэньне на даху цяжкіх матэрыялаў у сувязі з разьмешчаным там зімовым садам. Тэрарыстычны акт — выключаецца.
Загінулі ў асноўным жыхары рыскага раёну Zolitūde. Падчас другога абвалы загінула трое пажарных.
Прыналежнасьць | Лічба ахвяр |
---|---|
Латвія | 51 |
Расея | 2 |
Арменія | 1 |
Агулам | 54 |
Прэзыдэнт Латвіі абвясьціў 23-25 лістапада днямі нацыянальнай жалобы. Дадаткова 23 лістапада а 10 гадзіне ў краіне прайшла хвіліна цішыні. У салідэрнасьць з латышамі 24 лістапада нацыянальную жалобу абвясьцілі ў Летуве і ў Эстоніі.
Бурмістар Рыгі паабяцаў пабудаваць на месцы трагедыі помнік прысьвечаны ахвярам.
27 лістапада прэм’ер Латвіі Валдзіс Даброўскіс падаў у адстаўку, беручы пэўную адказнасьць за катастрофу.
This article uses material from the Wikipedia Беларуская (тарашкевіца) article Абвал гандлёвага цэнтру ў Рызе, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.