Гёта-канал, або Ёта-канал (па-швэдзку: Göta kanal) — суднаходны канал у Швэцыі, які злучае Балтыйскае мора на поўначы ад 58-й паралелі і праліў Катэгат.
Канал праходзіць праз увесь Ёталянд: ад Гётэборгу на захадзе, да Сёдэрчэпінгу на ўсходзе. Агульная працягласьць каля 420 кілямэтраў. У канал уваходзяць Тральгэтанскі канал, азёры Вэнэрн і Вэтэрн і 190-кілямэтровы адрэзак паміж гэтымі азёрамі і Балтыйскім морам. У агульнай складанасьці канал мае 58 шлюзаў.
Упершыню ідэя будаўніцтва суднаходнага каналу паміж Балтыйскім морам і пралівам Катэгат была прапанаваная ў 1525 годзе біскупам Гансам Браскам для таго, каб пазьбегнуць вялікіх мытных збораў, якія зьбіраліся Ганзейскім зьвязам. Праект каналу быў распрацаваны вядомым шатляндзкім інжынэрам і архітэктарам Томасам Тэлфардам. Ініцыятарам праекту быў контар-адмірал, сябра ўраду Швэцыі граф Бальтзарам фон Плятэнам, які стаў старшынём праўленьня Гёта-каналу. Ён арганізаваў праект і атрымаў неабходную фінансавую і палітычную падтрымку. Яго пляны прыцягнулі падтрымку ўраду і новага караля Карла XIII, які разглядаў канал як спосаб мадэрнізацыі Швэцыі.
Будаўніцтва каналу пачалося ў траўні 1810 году і працягвалася 22 гады. 26 верасьня 1832 году адбылося ўрачыстае адкрыцьцё.
Гёта-канал — сховішча мультымэдыйных матэрыялаў
This article uses material from the Wikipedia Беларуская (тарашкевіца) article Гёта-канал, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.