An Rugbang Simbahan nin Cagsawa o pigpalipot na Rugba nin Cagsawa, (sa Ingles inapod na Cagsawa Ruins) iyo an Simbahan Katoliko na intirong narugba kan mga ibinugang lava kan Bulkan Mayon kan ini magtuga kan Pebrero 1, 1814.
Pakatuga, an makangirhat na resulta iyo na labing 1,200 katawo an nagkagaradan kan an mga ini nagpaili sa laog kan simbahan asin dai na nakaluwas. An nahihiling na sana ngunyan kan simbahan iyo an kampanaryo mantang naraot na an kabilogan kan simbahan huli sa nilawig kan panahon.
Ini mahihiling sa barangay Bodiao, Daraga asin ginibo nang sarong parke an lugar para sa pagganyat nin mga turista. Igwa ining mga tindahan nin mga handicrafts sa palibot, mga restoran na kakanan asin iba pang atraksyon.
Igwa man digdi nin resort na may swimming pool na enterong natambonan kan sulog na may baybay huli kan makuring uran na resulta kan bagyong Milenyo kan Septyembre 25, 2006.
An Galeria de Cagsawa, sarong museo, an yaon sa hampang kan parke sa luwas kaini.
This article uses material from the Wikipedia Bikol article Rugbang Simbahan nin Cagsawa, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Bikol (DUHOCTRUNGQUOC.VN) is an independent company and has no affiliation with Wiki Foundation.