Simbahan Nin Daraga

Ipinatindog an simbahan kan mga Pransiskano kan 1772.

Itinugdas an banwaan nin Daraga bilang bagong sityo kan namamanwaan gikan sa Cagsawa huli sa takot kan pagtuga kan Bulkan Mayon. Naghagad an mga ini nin permiso sa gobyernong Kastila tanganing makatugdas nn bagong komunidad asin simbahan sa sur kan Cagsawa. An saindang kahurotan tinugotan ni Gobernador-Heneral Simon de Salazar sa paagi kan Alkade-Mayor kan probinsya nin Camarines kan Hunyo 12, 1772.

An presenteng simbahan kan Daraga ipinatugdok sa irarom kan pamamahala kan mga pading Pransiskano kan 1773 kan an Daraga sarô pa sanang visita kan Cagsawa. Nakatugdok ini sa itoktok kan bulod sa barangay Santa Maria natatànaw an Bulkan Mayon. Kan an Mayon magtuga kan Pebrero 1, 1814, naghubò an namamanwaan kan Cagsawa matapos an pagkaraot kan saindang simbahan. Idinulot an simbahan ki Nuestra Señora de la Porteria taon 1854.

 

Bantog an simbahan huli sa saiyang kakaibang istilo arkitektural na Churrigueresque sa atubangan na sarong halimbawa kan arkitekturang Baroque. An tatâ asin mga harigi kaini gibo sa mga gapo gikan sa bulkan. An puting kolor kaini ngunyan resulta kan pinturang gibo sa materyal na calcium tanganing mapangatamanan ini sa padagos na pagkaraot.

An kampanaryo kaini na kurting octagonal, namumugtak sa gamping too kan simbahan. Igwa ini mga ladawan nin doseng apostoles na nakahurma. An tore igwa nin apat na eskalon asin igwang krus sa bobong.

Huli sa manlainlain na pagpakarhay asin pagbabagong ginibo sa simbahan sa mga nakalihis na taon asin sa kawàran nin plano sa pagpangataman, nasanglian na an ibang parte kan simbahan asin nawarâ an historikal asin kultural na kahalagahan kaini.

An Gobyerno Probinsyal kan Albay sa pamamayo ni Joey Salceda nagtagama nin 35 milyon para sa pagpakarhay kan nagkapirang pamanang historikal asin kultural sa probinsya kabali na an simbahan kan Daraga.

•  
  Simbahan asin konbento
•  
  The tower of kampana
•  
  The Side view of The Nuestra Señora de la Porteria Church in Daraga, Albay
•  
  The Nuestra Señora de la Porteria Church in Daraga, Albay
•  
  Historikal na tandâ
•  
  Kampanaryo
•  
  Laog kan simbahan
•  
  An simbakan kan ini pinipinturahan

• Rugbang Simbahan nin Cagsawa

• Bloom, Greg (2005). Philippines. Lonely Planet. ISBN 9781742203706.
• Huerta, Felix (1865). Estado geográfico, topográfico, estadístico, histórico-religioso (Kastila). Binondo: Imprenta de M. Sanchez y Ca.
• Santoro, Nicholas (2011). Mary In Our Life: Atlas of the Names and Titles of Mary, the Mother of Jesus, and Their Place In Marian Devotion. iUniverse. p. 331. ISBN 9781462040223.
• Valera, Maria Cristina Turalba; Manahan, Geronimo; Mananghaya, Maria Joycelyn Bolhayon (2005). Philippine Heritage Architecture Before 1521 to the 1970s. Anvil Publishing. ISBN 9789712717093.

  Sarong saringsing an artikulong ini. Makakatabang ka sa Bikol Wikipedia sa pagparambong kaining pahina.