Operasyon Entebbe

Operasyon Entebbe
Parte kan kan Arab–Israeli na diringkilan
Petsa 4 Hulyo 1976 Lugar Entebbe Airport, Uganda Kinaluwasan eksito kan Israeli 102 kan 106 na hostage an nareskyu Sarong kwarterya kan air force nin Uganda an nadaog
Nagralabanan
Israel Suportado kan:  Kenya	PFLP-EO Revolutionary Cells  Uganda
Komandante
Dan Shomron Yekutiel Adam Benny Peled Yonatan Netanyahu †	Wadie Haddad Wilfried Böse † Idi Amin
Kusog
c. 100 kommando dugang an air crew asin suportang tauhan	7 hijackers 100+ Ugandanong soldado
Biktima
1 nagadan 5 nalugadan	Hijackers: 7 nagadan Uganda: 45 nagadan 11–30 erokraptong napasabog
3 hostage na nagadan 10 hostage an nalugadan

Operasyon Entebbe (Kinában)

Kan semanang nagtalikod, 27 Hunyo, an Air France Airbus A300 na jet airliner na may lunad na 248 na pasahero nahijack nin duwang myembro Popular Front for the Liberation of Palestine – External Operations (PFLP-EO) sa sugo ni Wadie Haddad (na kan amay-amay naglitik sa PFLP ni George Habash), asin duwang myembro kan Aleman na Revolutionary Cells.An mga hijacker pinaghayag an saindang katuyohan iyo na mapaluwas an 40 Palestino asin iba pang mga militante na nakukulong sa Israel asin 13 preso pa sa apat pang mga nasyon karibay an mga saindang hinostage. An paglayog, na naghale sa Tel Aviv na may destinasyon sa Paris, napalisya sa direksyon kan ini naghugpa na ngona sa Athens na naglikaw sa Benghazi pasiring Entebbe, an mayor na aeropwerto kan Uganda. An gobyerno kan Uganda pig'ampoyonan an mga hijacker, asin ni diktador na si Idi Amin, na enot na palan pinaaram kan pangyaring hijacking pakapoon pa lang, asin personal na pigsabat sinda. Pakalipatan an mga hostage hale sa eroplano asin dinara sa sarong edipisyong bakante sa aeropwerto, an mga hijacker piglaen-laen an mga Israeli asin mga iba pang Hudyo duman sa bakong mga Hudyo saka pinirit sindang darahon sa suway na kwarto. Kan masurunod na duwang aldaw, 148 bakong mga Israeli'ng hostage binutsan asin ipiglayog pasiring Paris. Siyam na pulo may apat (94), na mga pasaherong Israeli, kaiba an 12-myembrong Air France crew, nawalat na mga hostage asin sinda pighuhumaan na garadanon.