Narciso J. Alegre

Casiguran, Sorsogon, Filipinas, Abril 4, 1911 - d. Manila, Filipinas, Oktubre 17, 1980) sarong Filipinong may adbokasiya nin sibil na liberasyon, nagpadalagan dangan nag-organisa  kan Young Philippines, sagkod saro sa mga nag-organisang kaapil kan Civil Liberties Union of the Philippines.

Si Narciso J. Alegre ay namundag kaitong Abril 4, 1911 sa Casiguran, Sorsogon sa Kabikulan. Kaitong 1945, permanente siyang nag-balyu sa Manila para ipadagos an sa iyang pag-adal dangan para makapagnegosyo.

An ama niya na si Senador Juan B. Alegre ay tagsadiri kan dakulang tanuman que Abaka dangan mga niogan sa Sorsogon buda Masbate. Iguwa man an Senador que bakahan sa Ticao, Masbate.

Sa joven na edad na 7 años, si Alegre ay pinadara sa Barcelona, España para mag adal sa Real Colegio de las Escuelas Pías de Sarriá.  Nag estar siya sa Barcelona hasta sa edad na 18 años para maka adal que Batsilyer de Commercio sa University of Barcelona. Nag adal man siya para maging violoncelista (cellist). Nag tugtog siya que violocello sa Red Cross nang dangan sa iba pang mga agencia na parehas an gibo o advocacia. Kaitong 1929 siya ay luminaog sa Peekskill Military Academy sa Nueva York para mag adal que military science.

Kaitong nag buelta siya sa Pilipinas, si Narciso J. Alegre ay nagpadalagan kan sa indang hacienda sa Sorsogon nan Masbate. Pagkagadan kan ama niya kaitong 1931, si Alegre ay pig-kumbinsi ni Sergio Osmeña sa pag tugot o pag acceptar kan Pilipinas sa Hare-Hawes-Cutting Independence Act. Sa mga panahon na ini, parehas na naging actibo si Alegre sa politika dangan sa pag negosyo.

Nagpuon sa politika si Narciso J. Alegre kaitong 1932 hali sa pagka-actibo sa mga organisacion kan mga jovenes. Kadaklan ka ining mga jovenes ay may mga progresibo dangan mga liberal na pag-tubod o kaisipan. Mga siring na mga organisacion, sa pag-agui kan panahon, ay naging an Young Philippines. Kaiba niya digdi-o ay an pareho niyang Bicolano na si Wenceslao Vinzons na naging Presidente, siya ay naging Bise Presidente. An mga iba pang mga kaibanan niya digdi-o ay sara Arturo Tolentino, Lorenzo Sumulong, Diosdado Macapagal, Domocao Alonto, Jose Laurel nang dangan mga iba pa na naging mga darakulang ngaran sa politika sa Filipinas.

Kaitong 1938, pig organiza niya an Civil Liberties Union of the Philippines (CLU) dangan naging Presidente siya ka ini. Pagkatapos, kaitong 1941 nagdalagan si Alegre para sa ika -duwang distrito kan Sorsogon. Pero inabutan siya digdi-o kan giyera (WW2). Kaya naging Underground an CLU kaitong panahon kan Japones. Nagka-iguwa que mga martir an CLU na sara Dr. Ramon de Santos, Atty. Antonio Bautista, and writer Rafael Roces, Jr. Pag-abot kan Liberation, si Alegre ay nag trabaho para sa U.S. Army na nagsilbing Chief Appraiser para maaraman kan Estados Unidos an valor kan daños na dapat aku-on kan U.S. Government.

 

Sa mga sumunod na taon , si Alegre ay naging actibo man sa luwas kan politiko. Kaitong 1947,  inimbitaran si Alegre ni Col. Andres Soriano sa Philippine Broadcasting Service na naging Manila Broadcasting Company. Naging miembro siya kan Bicol Association nang dangan naging miembro man kaitong Escolta Walking Corp. na naging "breakfast club" para sa mga nagpadalagan que mga negosyo. Kaitong 1953 nag organiza siya que sa iyang pribadong compaña na Sargent's Philippines, na nagpabakal que mga producto sa uma nan mga agricultural pesticides. Natao-an man siya que diploma para maging entomologist na hali sa Division of Entomology kan Philippine Department of Agriculture. Nagpadagos siya kan sa iyang negosyo hasta sa iyang pagka-gadan kaitong 1980. An nawalat niya ay apat na aki pagkatapos kan sa iyang naging productibong buhay.