Michelin Guide

An publikasyon ipinapaluwas kan kompanyang Michelin, sarong Pranses na kompanyang naggigibo nin mga gulong para sa mga behikulo. An sinasabing publikasyon sobra nang sarong siglo pinupublikar. Ini taonan na edisyon asin inaapod Michelin Red Guide, an pinakagurangan na daang giya asin toltolan dapit sa kamugtakan, kagayonan man o bako, kan mga hotel asin mga restoran sa Europa, sa paagi nin pagtaong gawad sa pormang mga bitoon, mga bitoon-Michelin inapod, para sa pinakamarayrahay na mga establisyemento asin ta an paggawad pili sana nanggad. An pagkakua o pagkawara nin bitoon may epektong gayo sa dangog o pagkaraot kan dangog nin sarong restoran o hotel. An Michelin nagpupublikar man nin mga giya heneral manonongod sa mga ruta asin mga importanteng impormasyon dapit sa mga siyudad, mga rona' o mga nasyon, na ini inaapod man na Green Guides.