Marina Popovich

Marina Popovich
2014 na litrato
Kamundagan	Marina Lavrentievna Vasiliyeva Марина Лаврентьевна Васильева 1930 Hulyo 30 Leonenki, Velizhsky District, Smolensk Oblast, USSR
Kagadanan	30 Nobyembre 2017 (Edad 86)
Nasyunalidad	Russian
Trabaho	Piloto, Parasurat/Autor
Midbidbilang	102 world records

Si Marina Lavrentievna Popovich (née Vasiliyeva; 30 Hulyo 1931 - 30 Nobyembre 2017) sarong Soviet Air Force colonel, inhenyero, asin dekoradong Soviet test pilot.

Kan1964, siya an naging ikatolong babae asin inot na babaeng Soviet nagbari kan sound barrier.

Midbid bilang "Madame MiG", para sa saiyang trabaho sa na paralaban para sa Soviet, nagbugtak siya nin labing sanggatos na rekord sa pagsasahimpapawid saa kinaban nin sa sobrang 40 klase nin eroplano sa bilog niyang karera.

Si Marina Vasilieva namundag kan 30 Hulyo 1931 sa Distrito nin Velizhsky kan Smolensk Oblast, alagad naghali kaiba an saiyang pamilya pasiring sa Novosibirsk durante kan Ikaduwang Gerang Pankinaban

Poon siyang mag-adal na lumayog kan siya aki pa alagad, pakatapos kan gera, an Soviet Union pinagbawalan an mga babae na magserbi bilang pilotong militar. Sa edad na 16, nagpresentar siya bilang 22 anyos, nagsurat siya ki Soviet Marshal Kliment Voroshilov na naghahagad na iako sa sarong flying school. Nailaog siya ni Voroshilov sa Novosibirsk Aviation Technicumkunsain naggadwar siya kan 1951.

Sa primero, nagtrabaho siya bilang inhenyero, dangan kan huri bilang instruktor sa paglayog. Kan 1962, naglaog siya sa inot na grupo nin mga babaying masanay na maging cosmonauts sa Soviet Space Program. Makalihis nin duwang bulan na pagsasanay, tinalikdan siya sa programa. An saiyang agom, si Pavel Popovich, inako sa programa, na naging ikawalong tawo sa space na lunad kan Vostok 4 kan 1962.

Naging siyang piloto kan Soviet Air Force kan 1963, asin kan 1964 naako bilang sarong military test-pilot. Sa taon na idto (Hunyo 10), Nabari niya an sound barrier kan MiG 21. Siya naglaog military reserves kan 1978 dangan nagbali sa Antonov Design Bureau bilang sarong test pilot. Sa Antonov, siya nagbugtak nin sampulong flight records sa Antonov An-22 turboprop. Nagretiro siya kan 1984.

Siya nagsurat nin siyam na libro asin duwang screenplay. An sarong bituon sa konstelasyon kan Cancer dara an ngaran niya.

Si Marina Popovich, sarong miyembro kan Russian Writers' Union, nagsurat nin siyam na libro, kaiba an koleksion sa poesia, an Zhizn – vechny vzlyot (Life's An Eternal Rise, 1972). Siya nag kag-autor nin duwang mga iskrip sa pelikula, an Nebo So Mnoy (Sky Is With Me, 1974) asin Buket Fialok (Bouquet of Violets, 1983). Si Popovich nagadan kan Nobyembre 30, 2017. Siya linubong na may mga onra sa militar sa Federal Military Memorial Cemetery.

Pananaw manongod sa mga UFO

Si Marina Popovich nagtaram manongod sa saiyang eksperyensia sa UFOs sa saiyang librong tituladong UFO Glasnost (na ipinublikar kan 1991 sa Alemanya) asin sa mga diskurso saka interbyu sa publiko. Sabi niya na an mga pilotong militar asin sibilyan kan Soviet pigkompirmar na an 3000 UFO sightings asin nakua kan Air Force kan Soviet and KGB an kari'gonan nin limang nagbahsak na UFO. An mga lugar na nabagsakan iyo an Tunguska (1908), Novosibirsk, Tallinn, Ordzhonikidze asin Dalnegorsk (1986).

An inot na agom ni Marina Popovich iyo si Pavel Popovich, sarong dating kosmonaut kan Soviet, kun sain siya may duwang aking babayi sina, Natalya (b. 1956) asin Oksana (b. 1968), parehong gradwar sa Moscow State Institute of International Relations

Siya may duwang maku-apong babayi, si Tatyana asin Alexandra, saka an maku-apong lalake si Michael, na namundag sa Inglatera.

An ikaduwa niyang agom iyo si Boris Alexandrovich Zhikhorev, sarong retiradong Rusong Airforce Major general, Deputy chairman of the Central Committee of the Union of the Soviet Officers.

• Order of the Red Banner of Labour
• Order of the Badge of Honour
• Honoured Master of Sports
• FAI Gold Air Medal

• Nina Rusakova
• Olga Yamshchikova
• Jacqueline Cochran

• Records at fai.org