Si Maria Angelita Ressa (Pagsayod sa Tagalog: , namundag Oktobre 2, 1963) sarong Filipino-Amerikanong peryodista asin autor, an kapwa-kagtugdas asin CEO kan Rappler, asin siya an pinakaenot na Filipino nagawaran kan Premyo Nobel.
Bago kaini, siya nagtrabaho sa CNN nin haros duwang dekada komo reporter-imbestigador.
Maria Ressa | |
---|---|
Ressa in July 2011 | |
Personal na mga detalye | |
Kamundagan | Manila, Philippines | Oktobre 2, 1963
Pagkahimanwa |
|
Edukasyon |
|
Kasibotan |
|
Awards |
|
Si Ressa napabali sa Time' komo Persona kan Taon 2018 bilang saro sa magkapirang mga peryodista sa kinaban na naglalaban sa paglakop nin mga pekeng bareta. Kan Pebrero 13, 2019, siya inaresto kan autoridad huli sa kargong cyberlibel huli sa akusasyon na an Rappler nagpublikar nin palsong bareta dapit sa negosyanteng Wilfredo Keng. Kan Hunyo 15, 2020, an korte sa Manila natanto na siya guilty sa cyberlibel sa ri'gon kan kontrobersyal na Anti-Cybercrime law,, sarong bagay na pigkondenar kan mga human rights na grupo asin kan mga peryodista na ini paglapastangan sa pagkatalingkas kan prensa. Huli ta siya hayag na kritiko kan Presidente nin Filipinas na si Rodrigo Duterte, an pag'aresto asin paghukom saiyang may paninimbagan, pighihiling kan oposisyon asin kan komunidad internasyonal na politikal an motibo sa aksyon kan gobyernong Duterte. Si Ressa saro sa 25ng personalidad sa Information and Democracy Commission na pigbungsod kan inaapod na Reporters Without Borders.
This article uses material from the Wikipedia Bikol article Maria Ressa, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Bikol (DUHOCTRUNGQUOC.VN) is an independent company and has no affiliation with Wiki Foundation.