An demonyo iyo an maraot na sobrenatural na entidad.
Sa kasaysayan, an pagtubod sa mga demonyo, o sa mga istorya dapit na mga demonyo, nangyayari sa relihiyon, okultismo, literatura, piksyon, mitolohiya, asin folklore; siring man sa media siring kan komiks, video games, pelikula, asin sa mga serye sa telebisyon.
An pagtubos sa mga demonyo posibleng nagpoon sa panahon kan Paleolitiko, naggamot sa takot kan sangkatawuhan sa dai naaaraman, sa kakaiba asin sa makatakot. Sa suanoy na Haraning Subangan na mga relihiyon asin sa Abrahamikong relihiyon, kabali an kaamayi kan Hudaismo asin sa suanoy na katahawan na panahon kan Kristianismong demonolohiya, an sarong demonyo pigkokonsiderar na nakakadanyar na ispiritwal na entidad na kun saen iyan nagkakawsa nin demonikong pagsanib, pig-aapod na eksorsismo. Dakulang mga kabtang kan demonolohiya kan Hudaismo, sarong pangenot na impluwensya sa Kristianismo asin sa Islam, naggikan sa huring porma kan Zoroastrianismo, asin ilinipat sa Hudaismo durante kan panahon kan Persyano.
An orihinal na katagang Suanoy na Griyego na daimōn (δαίμων) dai nagdadara nin negatibong kahulugan, huli ta iyan igwa nin boot sabihon na ispiritu o diosnon na poder. An Griyegong konsepsyon nin sarong daimōn urog na naglalataw sa philosophical works ni Plato, kun saen iyan naglaladawan kan diosnon na inspirasyon ni Socrates.
This article uses material from the Wikipedia Bikol article Demonyo, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Bikol (DUHOCTRUNGQUOC.VN) is an independent company and has no affiliation with Wiki Foundation.