Si Shiva o Siva (pagbaybay sa Ingles: ; Sanskrit: शिव, Śiva, litireal na an paladan o an ospisyoso) iyo sarong mahalagang diyos nin Hindu asin sarong aspeto nin Trimurti, o Trinidád (magkaiba sa konsepto nin Santulo kan Kristiyanismo).
Sa tradisyon na Shaiva nin Hinduismo, si Shiva an pigmimidbid na kahuruhalangkaweng diyos. Sa tradisyon na Smarta, saro siya sa limang Pangenot na porma kan Diyos.
An mga tagasunód nin Hinduismo na nagsasamba kay Shiva iyo inaapod na mga Shaivite o Shaiva (Sanskrit Śaiva). An Shaivismo, kaiba kan tradisyong Vaiṣṇava na nakatutok kay Wisnu, asin tradisyong Śākta na nakapokus sa diyosang si Devī, iyo an tulo sa pinakamaimpluwensiyang denominasyon nin Hinduismo.
Pigsasamba man si Siva sa porma nin Lingam. Sa mga ladawan, siya iyo an pinapahiling na naghuhurophurop o sa saiyang kaanyuan bilang Nataraja, an "Kagurangnan nin Sayaw" na pigsasayaw an Tandava sa ibabaw ni Maya, an demonyo nin kamangmangan.
Sa ibang denominasyon kan Hinduismo, si Brahma, Vishnu, asin Shiva an nagrerepresentar sa tulong pangenot na aspeto nin kabanalan sa Hinduismo asin magkakaibahan na inaapod na Trimurti. Sa pagtubod na ini si Brahma an Tagapagkliha, si Vishnu an Tagapag-ataman asin si Shiva an Tagaraot o kaya iyo an Tagabago.
This article uses material from the Wikipedia Bikol article Shiva, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Bikol (DUHOCTRUNGQUOC.VN) is an independent company and has no affiliation with Wiki Foundation.