An Atesh (Crimean Tatar: Ateş, literalmente Kalayo, Ukrainian: Атеш, translit. Atesh) sarong partisan militar na hiroan (mobimyento) sa okupadong teritoryo nin Ukranya, asin siring man sa teritoryo nin Rusya, na pigmukna kan mga Ukranyano, Crimean Tatars asin mga Ruso kan Setyembre 2022 resulta kan Rusong pagsakyada militar nin Ukranya.
An hiroan namukna kan kataposan nin Septyembre 2022. Kan Septyembre 26, an pagsumpa kan soldados na "Atesh" pinublikar sa opisyal na Telegram channel, asin kan Septyembre 29, sarong bidyo pigpublikar sa opisyal na Telegram channel kun saen an saro sa partisan naghuhurot sa publiko na magbali sa hiroan.
Kan Nobyembre 11, 2022, mga Partisan kan hiroan ginadan an 20 Rusong soldados nakapahiringalo sa hospital nin Simferopol.
Kan Desyembre 11, 2022: An "Atesh" naghingako kan responsibilidad pagsulo kan barracks nin mga Rusong soldados sa baryo nin Sovietske.
Kan Enero 31, 2023: Mga Partisan nagpahayag na saindang ginadan duwang opisyales kan Rusong National Guard.
Kan Pebrero 10, 2023: An "Atesh" inako' an responsibilidad sa pagbomba nin auto na nagresulta sa pagkagadan nin duwang Rusong soldados asin pagka-ospital nin duwa pa sa Nova Kakhovka.
Kan Marso 14, 2023: An Atesh naghayag na nagadan kaini an duwang pamayo kan administrasyon militar sa Nova Kakhovka paagi nin pagtanom bomba.
Kan Abril 23, 2023: An Atesh nagbareta na napaboag kaini an sarong checkpoint kan Rusong National guard harani sa Oleshky na nagresulta sa dakul nagadan.
Kan Abril 27, 2023: Mga Partisan nagsabi na siandang nagadan duwang kagsakyada (Ruso) sa baryo nin Velyki Kopani.
Kan Mayo 6, 2023: Mga Partisan inako an responsibilidad sa pagngata' sa asasinasyon ni Zakhar Prilepin, sarong Rusong parasurat asin myembro sa A Just Russia — For Truth Party, kun saen sarpong bomba puminutok kan an kotse kaini uminagi sa border nin Rusya hale sa okupadong Donbas. An tsuper kan kotse nagadan asin si Prilepin makuring naerido, alagad dai man napurohan.
This article uses material from the Wikipedia Bikol article Atesh (hiroan), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Bikol (DUHOCTRUNGQUOC.VN) is an independent company and has no affiliation with Wiki Foundation.