An websityo, websayt, pahinarya, pook-sapot o web sayt (Ingles: website o web site), saróng koleksiyon nin mga magkakasugnay na web page, na tipikal na mahihiling sa saróng partikular na domain name o subdomain.
Parte an saróng websityo kan World Wide Web na saró sa mga serbisyong piggagamit kan Internet.
Sa ngunyan, igwa nang dakol sa 80 milyong websityo sa bilog na kinában na igwang nakarehistrong domain. Sa pangakagabsan, saróng dokumentong (X)HTML an websityo na pwedeng mahiling asin mabasa sa paagi kan HTTP gamit an web browser.
Pwedeng mahiling an saróng websityo sa root URL o ugat nin URL na pig'aapod na homepage o pangenot na pahina, asin parati nakalaag sa kaparehas na pisikal na serberyo o server. Nakaayos an mga URL sa saróng klasipikasyon, bagaman an mga hyperlink o takudan sa paagi ninda an nagku-kontrol kun pano nahihilingan an pangkagabsan na estruktura asin kun pano minaagos an traffic na natatangâ kan mga iba't ibang parte kan saróng websityo.
Pigmamawot kan ibang websityo an saróng subskripsiyon tanganing mahiling an pira o gabos nin mga nilalaog. Kabali sa mga halimbawa kaini an kadakol na pornograpikong mga sityo, pirang parte kan mga dakol na bareta, mga sityo para sa mga kawat, mga purom sa internet, web mail asin mga sityo na nagtatao nin impormasyon sa mga datos kan bakalang sapi na tama-sa-oras.
An Wiki Commons igwa nin medya dapit sa Mga Websityo. |
This article uses material from the Wikipedia Bikol article Websityo, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Bikol (DUHOCTRUNGQUOC.VN) is an independent company and has no affiliation with Wiki Foundation.