Bongkokan
An bongkokan (o, bungkukan, bunkukan)) sarong tinanom na nakakaagid na gayo sa linsa asin sa natong alagad darakula saka mas mahoro-hibog an dahon kaini.
Saro pa, an mga gusok niya mas garataw. An pinapakinabangan sana man kaini iyo an laman o duma. An dahon kaini bakong gayo garamiton sa pagluto; alagad, kun gugulayon hinihimoro na dahon sana nanggad dai kaiba an mga gusok.
An laman kaini puti an kolor kun ubakan asin pag naluto mapulotpulot, masapog saka malomhok sa kagat. Mga nagagamitan na luto kaini: berdura sa karneng sinabawan, saka iyong gayo an mayor na sangkap sa gina'tan
Pagtatanom
An pantanom mansana kaini iyo an tinabas sa unod niya o an ala mismo pakataras kan laman. Alagad, sinasabi na mas madaling maglaman kun an pinapagamotan idto mismong unod.
Toltolan
This article uses material from the Wikipedia Bikol article Bongkokan, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Bikol (DUHOCTRUNGQUOC.VN) is an independent company and has no affiliation with Wiki Foundation.