Mid Ostbayern san de boarischn Regiarungsbeziak Niedabayern (Regiarungssiedz Landshuad) und Owapfoiz (Regiarungssiedz Rengschburg) gmoand, de an Tschechei und Estareich ogrenzn.
Damid ma de Region unta oa Doch brochd hod, hod ma in da Nochgriagszeid Ostbaian dafundn. Bis heid wiad driwa gstrittn , scho alloa weis koa Westbaian ned gibd.
1931 bschlossane Spoamaßnama hom 1932 dozua gfiad dass de Kroas Niedabayern und Owapfoiz zamglegd wean. Rengschburg wiad Vowoitungsiedz. 1948 hod ma de zwoa Beziake ois sejbststandige Vowoitungsoaheidn wida heagstejd, owa easchd 1956 voistandig, ois de Regiarung vo Niedabayern vo Rengschburg no Landshuad zong is. Owa a heid no gibds Insdidutiona, de in oi zwoa Regiarungsbeziake zuastande san. S Vowotinggrichd Rengschburg, de Handweakskama Niedabayern-Owapfoiz, de Dochdagsejschaftn da DB Regio AG und Regionalbus Ostbayern, s Regionalschdudio Ostbayern voum Boarischn Rundfunk und da Durismusvoband Ostbayern.
De Nadionalsoziolisdn hom af a Oregung vo Hans Schemm 1933, den Gau Boarische Ostmak gschaffa. In dem woa neba Niadabaian und Owapfoiz a no s noadboarische Owafrankn mid drin. Gauhaubdstod woa Baireith. Ois Haubdvabindungsax fian Gau hod ma de Boarische Ostmakstroß vo Owafrankn no Bassa baud. 1942 hod ma zan Gau, Gau Baireith gsogd.
Haubdfliss in dem Gebiad san Doana, Reng, Naab, Ilz, Inn und Isar. Haubdsechle wiad des Gebiad voum Middlgebiag, wia an Boarischn Woid und an Owapfäiza Woid bheaschd, es hod owa a Diafland wia an Geibon (Gäuboden).
Ostbayern is a lendlichs Gebiad, mid Rengschburg (145.465 Eihwohna - Stond: 2015) hods oa Groußstod. Weidare kroasfreie Städ san Landshuad (69.211 Eihwohna), Bassa (50.566 Eihwohna), Straubing (46.806 Eihwohna), Weidn (42.055 Eihwohna) und Amberg (41.861 Eihwohna).
Wichdige Kroasstäd san no Neumarkt (39.333 Eihwohna), Deggndorf (32.189 Eihwohna) und Schwandorf (28.481 Eihwohna).
Autobohna
Bundesstrossn
Bohstrecka
Knotnbunkt Rengschburg
Knotnbunkt Schwandorf
Knotnbunkt Bladdling
Schiffoatsweg
Bundeswossastroßn :
This article uses material from the Wikipedia Boarisch article Ostbayern, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Der Inhalt ist verfügbar unter CC BY-SA 4.0, sofern nicht anders angegeben. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Boarisch (DUHOCTRUNGQUOC.VN) is an independent company and has no affiliation with Wiki Foundation.