A Haftlmocha is a Beruafsbezeichnung fia a Handweak, des wos nimma gibt.
Da Haftlmocha hod Gwandvaschliss (Fiben, Gwandspangen) gmocht. Des Haftl is im 14. Joahundat duach Knopf und Knopfloch obglest wuan. Danoch hods de Haftln nua no sötn, z. B. am Miada gem.
A Haftl: Hokn und Ösn
De Bezeichnung Haftlmocha hod nua in da Redewendung: "Aufpassn wia a Haftlmocha" (ganz genau aufpassn, konzentriat sein) iwalebt. Warum da Haftlmocha genaua aufpassn hod miassn wia andare Handweaka, is umstrittn. Kloa is, dass "haftln" aa a Bezeichnung fia Gschlechtsvakea woa (a Hogn kummt in a Gringal). Meglich is deweng, dass da "Haftlmocha" bein Schnaxln aufpassn hod miassn, damit kaa Kind gmocht wiad.
"Haftl" wiad no sötn im Spruch "oan s Haftl einsetzen" vawendt, des wos sovü haßt wia "oan kuaz hoidn".
Beischpü
Beim Fitschigogaln muaßt aufpassn wia a Haftlmocha, wäu sunst host ka Schauhns.
Häftel, das. Adelung: Grammatisch-kritisches Wörterbuch der Hochdeutschen Mundart. Band 2. Leipzig 1796, S. 893; zu Haft (2), der, ebd. (beide zeno.org)
Häftel. In: Heinrich August Pierer, Julius Löbe (Hrsg.): Universal-Lexikon der Gegenwart und Vergangenheit. 4. Auflage. Bd. 7, Altenburg 1859, S. 841 (Online bei zeno.org).
Fuassnotn
This article uses material from the Wikipedia Boarisch article Haftlmocha, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Der Inhalt ist verfügbar unter CC BY-SA 4.0, sofern nicht anders angegeben. Images, videos and audio are available under their respective licenses. ®Wikipedia is a registered trademark of the Wiki Foundation, Inc. Wiki Boarisch (DUHOCTRUNGQUOC.VN) is an independent company and has no affiliation with Wiki Foundation.
