Literatuakritik moant de Beweatung und Interpretation vo Literatua.
Der Artikl is im Dialekt Obaboarisch gschriem worn. |
In de anglsaxischn Lända stengan Literatuakritik (literary criticism) und Literatuawissnschoft (literary theory) enga zamm ois wia im Boarischn. Literatuakritik wead do oft ois Tei vo da Literatuawissnschoft ogseng. Owa a do guit, dass a Literatuakritika ned unbedingt a Literatuawissnschofta sei muas.
Literatuakritik wead entweda in da Foam vo am Essay oda ois Monografie vafosst. Synonyme vo Literatuakritik san im Boarischn: Literatuarezension, Buachrezension, Buachbsprechung und Buachkritik. A Rezensent wead owa manchmoi ois gringweatigea eigstuaft ois wia a Literatuakritika. A Literatuakritika guit ois Spezialist, a Rezensent ko aa a Glegnheidskritika sei.
Literatuakritikn eascheinan im Feuilleton vo Zeidunga unn Zeidschriftn, oba aa in Radio unn Feanseng sowia im Internetz.
Oana vo de eiflussreichstn deitschn Literatuakritika vom 20. unn 21. Joahundat wor da Marcel Reich-Ranicki. Zamma midm Hellmuth Karasek unn da Sigrid Löffler sowia spada da Iris Radisch hot ea vo 1988 bis 2001 reglmassi literarische Weak in da Feansehsendung "Das literarische Quartett" dischkriad. A Oart Nochfoigesendung wor bis 2008 im ZDF de Sendung "Lesen!" vo da Elke Heidenreich, de wo owa ned ois Literatuakritische Sendung konzipiad wor. In da ARD gibds seit 2003 de Sendung "Druckfrisch" , wo de Bestsellerlistn vom SPIEGEL und vom buchreport plakativ besprocha wean.
De Wiakung vo de im Feanseng ausstroijdn Literatuakritik is grouß unn ko iaba de Eafoijgschancen oda aa an Misseafoijg von am Buach entschein. Im Feanseng ausgstroijde Literatuakritik (oba ned nua de) wead deszweng oft oijs a Deil vo da Kuituaindustrie kritisiat.
This article uses material from the Wikipedia Boarisch article Literaduakritik, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Der Inhalt ist verfügbar unter CC BY-SA 4.0, sofern nicht anders angegeben. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Boarisch (DUHOCTRUNGQUOC.VN) is an independent company and has no affiliation with Wiki Foundation.