Da Erdäpfelsalat oder Eadäpfesalod (dt.: Kartoffelsalat) wiad aus kochde Eadäpfen und a poa aundare Zuatatn heagstöd.
Der Artikl is im Dialekt Weanarisch gschriem worn. |
Im Wesentlichn gibt's zwa Zuaberatungsoatn: "mit Essig und Öö" und "mit Mayonnääs". Stott aana Mayonnääs wiad in da Diät-Kuchl aa gean a Joghurt gnumman.
In Östareich wean traditionö festkochade Eadäpfen mit da Schoin in Soizwossa kochd. Daun weans min koidn Wossa ogschreckt, gschöd und no oisaa haßa in Scheim gschnittn.
In Bayern und Östareich bis noch Krowozien wean de gschniddan Eadäpfen meistns mit an Sud aus ana Fleischbriah, Essig und Öö vamischt. Im Salod kennan aa no klaagschniddane Zwiefen, brodane Speckwiafen oda Stickln vo Essigguakaln sei. Haifig wean de Eadäpfen mit da Marinade iwagossn, wauns no haaß san. Dann auf jedn Foi a bissl wakn lossn. Dea so gmochde Salod kaun daun woam, obar aa koid gessn wean.
In da Steiamoak wiad Eadäpfesalod gean mit Kürbiskernöö serviat.
In Norddeitschland wiad da Erdäpfesalod meistns mit Mayonnäs augmochd. Aar aa Mischung mit Joghurt odaraan Obas is meglich.
This article uses material from the Wikipedia Boarisch article Erdäpfelsalat, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Der Inhalt ist verfügbar unter CC BY-SA 4.0, sofern nicht anders angegeben. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Boarisch (DUHOCTRUNGQUOC.VN) is an independent company and has no affiliation with Wiki Foundation.