Йәндүрин Дияс Хатип Улы
Йәндүрин Дияс Хатип улы (20 ғинуар 1940 йыл — 4 октябрь 2022 йыл) — тарихсы, тарих фәндәре докторы (2005), профессор (2004).
Башҡортостан Республикаһының атҡаҙанған уҡытыусыһы (2009), СССР Юғары мәктәбе отличнигы (1985), Рәсәй Федерацияһы юғары һөнәри белем биреүҙең почетлы хеҙмәткәре (2007).
| Йәндүрин Дияс Хатип улы | |
| Зат | ир-ат |
|---|---|
| Гражданлыҡ |  СССР Рәсәй |
| Тыуған көнө | 20 ғинуар 1940 |
| Тыуған урыны | Лағыр, Салауат районы, Башҡорт АССР-ы, РСФСР, СССР |
| Вафат булған көнө | 4 октябрь 2022 (82 йәш) |
| Вафат булған урыны | Өфө, Рәсәй |
| Һөнәр төрө | тарихсы |
| Уҡыу йорто | Октябрҙең 40 йыллығы исемендәге Башҡорт дәүләт университеты |
| Ғилми исеме | профессор[d] |
| Ғилми дәрәжә | тарих фәндәре докторы[d] (2005) |
| Маҡтаулы исемдәре һәм башҡа бүләктәре | |
Биографияһы
Йәндүрин Дияс Хатип улы 1940 йылдың 20 ғинуарында Лағыр ауылында тыуа. Атаһы Хатип Өмөтбай улы — Бөйөк Ватан һуғышында ҡатнаша, Ҡыҙыл Йондоҙ, I һәм II дәрәжә Ватан һуғышы ордены һәм миҙалдар менән наградлана, тыныс тормошҡа гвардия капитаны дәрәжәһендә ҡайта. Төбәктең тәүге мәғариф бүлеге мөдире була, Салауат райкомының пропаганда һәм агитация бүлеге мөдире вазифаһында эшләй. Һуғыштан һуң Лаҡлы ауылына балалар йортона директоры, Лағыр ете йыллыҡ мәктәбе директоры, колхоз рәйесе, пенсияға сыҡҡансы уҡытыусы була. Шуға ла Дияс Хатип улы бәләкәйҙән белемгә ынтыла. Мәктәпте тамамлағандан һуң юғары белемде Башҡорт дәүләт университетында ала (1967). Шул уҡ йылда Лағыр урта мәктәбендә директорҙың уҡытыу буйынса урынбаҫары вазифаһына тәғәйенләнә. 1968—1970 йылдарҙа атаһының юлын ҡабатлап КПСС-тың Салауат район комитетында пропаганда һәм агитация бүлеге мөдире булып эшләй. 1974 йылдан алып Башҡорт дәүләт университетында уҡыта.
2022 йылдың 4 октябрендә Өфө ҡалаһында вафат була.
Хеҙмәттәре
100-ләгән хеҙмәт авторы.
- Яндурин Дияс Хатипович. Национально-государственное строительство в автономиях Урало-Поволжья в 20-30-е годы XX в. : Дис. … д-ра ист. наук : 07.00.02 : Уфа, 2003 380 c. РГБ ОД, 71:05-7/186.
- Подготовка национальных кадров в Башкортостане (1920—1930-е годы) [Текст] / Д. Х. Яндурин // Вестник Академии наук Республики Башкортостан. — 2003. — Т. 8, № 4. — С. 29-33 : 1 табл. — Библиогр.: с. 33 (12 назв.)
ББК 74.03(2Рос. Баш) + 74.5(2Рос. Баш).
- Яндурин, Дияс Хатипович. Национализм и национально- государственное устройство России: история и современная практика: Формирование национально — территориальных государственных образований народов Урало — Поволжья.
Иҫкәрмәләр
This article uses material from the Wikipedia Башҡорт article Йәндүрин Дияс Хатип улы, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Башҡа шарт булмаһа, CC BY-SA 4.0 лицензияһына ярашлы, эстәлек менән һәр кем файҙалана ала. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Башҡорт (DUHOCTRUNGQUOC.VN) is an independent company and has no affiliation with Wiki Foundation.